Advertisements

Doorshadii madaxtinimo ee dalka Ruushka oo ku guuleystay Madaxweyne Putin.

Putin2.jpg1Madaxweyne Vladimir Putin ayaa helay 75% cododkii la tiriyay doorashada madaxtinimda Ruushka,waxayna tani cadeyn u tahay in si fudud ugu guuleysatay inuu 6-sano oo kale xafiiska sii joogi doono.

Vladimir Putin supporters celebrate Putin's victoryMadaxweynaha oo Khudbadda guushiisa  ka jeediyay magaaladda Moscow ayaa waxa uu sheegay in natiijada doorashada uu u arko in ay tahay kalsooni la siiyay waxqabadkiisa.

Mr. Putin oo Kumannaan ka mid ah taageerayaashiisa kula hadlayay meel fagaaro ayaa marka hore uga mahad celiyay natiijada doorashada.

“ Waxaan u arkaa in tani ay cadeyn u tahay waxqabadkeygii hore oo aan xaalad adag ku soo shaqeeyay,waxayna tani i tuseysaa aaminaada iyo rajada aan ka qabo in si wadajir oo mas’uuliyad ku jirto u wada shaqeyno,’ ayuu yiri madaxweynaha Ruusha Vladimir Putin.

Madaxwayne Putin ayaa waxba kama jiran ku tilmaamay su’aalaha ku saabsan in uu xilka hayni doono inta cumrigiisa ka dhiman.

Mr Vladimir Putin ayaa dalka Ruushka ka talinayay tan iyo sanadii 1999 oo uu mar ahaa rai’sul wasaare, waxaana Putin doorashadan kula loolamaysay 7 musharax oo kale .

Hogaamiyahii Mucaaradka ee ugu cadcaddaa doorashada Alexei Navalny ayaa laga mamnuucay in uu doorashada ka qeybqaato.

SomaliSwiss       Leningrad

SomaliSwiss@hotmail.com

 

Advertisements
%d bloggers like this: