Waxaa garoonka diyaaradaha Aadan Cadde ee magaalada Muqdisho lagu soo dhaweeyay 76 maxaabiis Soomaaliyeed ah oo laga keenay dalka Hindiya, kuwaa oo noqonaya qeybtii labaad maxaabiis laga keeno dalkaas.
Ra’iisul Wasaare ku -xigeenka dalka Mahdi Maxamed Guuleed iyo mas’uuliyiin kale oo ka tirsan dowladda ayaa ku soo dhaweeyay maxaabiistan garoonka diyaaradaha.
Bishii Janaayo ayeey aheyd markii laga soo dajiyay garoonka diyaaradaha magaalada Muqdisho 41 maxaabiis ah oo dib looga soo cecliyay dalka Hindiya.
Ciidamada Hindiya ayaa dadkan ka qabtay xeebaha Soomaaliya toddoba sano ka hor, waxaana markaasi kaddib la geeyey magaalada Mumbai ee dalkaasi Hindiya waxaana lagu xukumay xabsiyo kala duwan.
Saddex ka mid ah dadkaasi ayaa la sheegay in ay horey xabsiyada waddankaasi ugu dhinteen.
Dawladda Soomaaliya ayaa si weyn isugu howshay soo daynta maxaabiista Soomaalida iyadoo horey maxaabiis looga soo daayey dalka Itoobiya, waxaana tallaabadan soo dhaweeyay inta badan bulshada Soomaaliyeed.
SomaliSwiss    Muqdisho
SomaliSwiss@hotmail.com
Filed under: Muqdisho |
Somali News Politics Documentaries Music Videos Intertainment 
You must be logged in to post a comment.