Advertisements

Ra’iisul-wasaare Kheyre oo khudbad ka jeediyey shirweynaha caalamiga ah ee ka furmay dalka Qatar.

Kheyre.jpg14Ra’iisul-wasaare Kheyre ayaa maanta khudbad ka jeediyey shirweynaha caalamiga ah ee ka furmay magaalada Doha ee dalka Qatar, kaas oo looga hadlayo iskaashiga dhinacyada xasilinta dhaqaallaha iyo siyaasadda.

Kheyre.jpg16Mudane Kheyre ayaa khudbadiisu kaga hadlayo xaaladda guud dalka, gaar ahaan daruufaha jira, horumarka dalka iyo sida ay lagama maarmaan u tahay in caalamka uu u soo jeesto sidii ay gacan uga geysan lahaayeen horumarinta amniga, dhaqaalaha iyo arrimaha Qaxootiga.

“Adduunka intiisa badan waxaa heysto daruufo badan, balse Soomaaliya si gaar ah waxaan ka codsaneynaa adduunka inaysan indhahooda ka qaadin Soomaaliya, taasi oo daruufo badan soo daashaday oo ay hadda tahay fursad dhab ah oo garab lagu siin karo, anaga kan dowlad ahaan waxaa naga go’an inaan sameyno isbadal dhab ah, oo aan wadanka uga saarno daruufaha heysato” ayuu yiri ra’iisul wasaaraha.

Ra’iisul wasaaraha oo inta badan khudbadiisa diiradda ku saaray arrimaha Qaxootiga Soomaaliyeed ee ku nool caalamka ayaa sheegay in caalamka looga fadhiyo inay ilgaar ah ku fiiriyaan daruufaha heysato qaxootiga Soomaaliyeed oo ah kuwa badan caalamka

Kheyre.jpg15“Qaxootiga Soomaalida waxaa heysato daruufo adag oo ay qabaan intooda badan, waxaana lagama maar maan ah in caalamku ay ilgaar ah ku eegaan, dowladda cusub ee hadda jirta waxaa ka go’an inay soo dhaweyso qaxootiga Soomaaliyeed ee dib ugu soo laabanyaa dalkooda Hooyo iyo ka daryeelka dadka ku soo barakacay gudaha dalka ee ay saameeyeen abaaraha, si aan taasi uga mira dhalino waxaan caalamka uga baahanay inay gacan nagu siiyaan” ayuu yiri ra’iisul wasaare Xassan Cali Kheyre.

Dhinaca kale ra’iisul wasaaraha dalka waxaa uu kulan la qaatay dhigiisa dalka Lubnaan Sacad Rafiiq Al-xariiri oo ay ka wada hadleen xoojinta xiriirka labada dhinac iyo iskaashi dhex mara labada dowladood.

SomaliSwiss     Doha

SomaliSwiss@hotmail.com

Advertisements
%d bloggers like this: