Advertisements

Magaalada Muqdisho oo maanta bannaanbax lagu taageerayey Go’aankii Maxkamada Caalamiga ah.

bannaanbax-muqdisho-jpg9Bannaanbax lagu taaageerayey guushii hor dhaca aheyd ee Soomaaliya ay ka gaartay dacwada badda ee u dhaxeysa labada dal Soomaaliya iyo Kenya ayaa maanta ka dhacay magaalada caasimada ah ee Muqdisho.

bannaanbax-muqdisho-jpg8Bannaanbaxan ayaa marka laga soo tago dadweynihii ka qeybgallay sidoo kale waxaa goob joog ahaa mas’uuliyiinta maamulka gobolka Banaadir iyo inta badan guddoomiyayaasha degmooyinka gobolka.

Dadkii ka qeybgalay isku soo baxa ayaa muujiyay dareenkooda la xiriira sida ay u soo dhaweynayaan go’aankii ay maalintii shalay qaadatay maxkamada ICJ oo aqbashay soo jeedintii Soomaaliya ee aheyd in maxkamadu awood u leedahay in ay gasho ama qaado dacwada badda ee labada dal.

Sidoo kale dadkii ka qeyb-gallay dibadbaxa ayaa sheegay in rajo wanaagsan ka qabaan qeybaha danbe ee dacwada ee la xiriirta go’aan ka gaarista muranka la xiriira soohdinta badda mar haddii ay maxkamadu aqbasha in ay galli karto ama qaadi karto dacwada.

bannaanbax-muqdisho-jpg7Dowladda Kenya ayaa markii hore ku dooday in maxkamada awood u laheyn in ay gasho dacwadan, taa badalkeedana loo baahan yahay in loo daayo labada dal oo dhameysan kara sida ay hadalka u dhigtay Kenya muranka arintan la xiriira, hasse ahaatee waxaa taa ku gacan seyrtay dowladda Soomaaliya oo ugu danbeyntii maxkamada ICJ aqbashay soo jeedinteedii.

SomaliSwiss      Muqdisho

SomaliSwiss@hotmail.com

Advertisements
%d bloggers like this: