Advertisements

Magaalada Muqdisho oo maalintii 3aad ka socda shirka madasha wadatashiga oo looga hadlayo qodobo xasaasi ah.

Shirka doorashooyinka.jpg4Waxaa maalintii 3aad ka soconaya magaalada Muqdisho shirka madasha wadatashiga  oo looga hadlayo qodobo xasaasi ah oo la xiriira arimaha doorashada, waxaana warar hor dhac ah oo soo baxaya sheegaya in ay jiraan qodobo leysku mari la’yahay.

amisom-jpg1Shirka oo maalintii shalay warbixin ka dhageystay guddiga  madaxabanaan ee xalinta khilaafaadka doorashada, ayaa siweyn ugu kala qeybsamay sida laga yeelayo 11 kursi oo natiijadooda ay baabi’iyeen gudiga doorashada dadban ee heer  federaalka, taa oo ay ku gacanseyreen hogaamiyayaasha dowlad gobolleedyada dalka ka dhisan.

Madaxda maamul gobolleeyada ayaa lagu waramayaa in ay dalbanayaan in kuraastan sidooda loo daayo gudigana dib uga laabto go’aankii ay horay u soo saareen, halka dhinaca kale beesha caalamka arintaa ka biyo diidan yihiin.

Ilo xog-ogaal ah oo ku dhaw dhaw kulanka ayaa sheegaya in si gaar ah gudiga doorashada madaxabanaan iyo beesha caalamka ugu dhagan yihiin xubno horay looga joojiyay in ay  tartamaan oo ay sheegeen in ay si sharci daro ah ku soo baxeen, iyaga oo dalbanaya in dib loogu celiyo doorashadii xubnahan ay ku soo baxeen..

Dhinaca kale, qodobada muhiimka ah ee leysku mari la’yahay ayaa waxaa ka mid ah doorashada xubnaha aqalka sare iyo hoose ee gobolada W/qooyi, xiliga la qabanayo doorashada guddoonka baarlamaanka iyo madaxweynaha, madaama ay muuqato in aan hadda laga gaarsiin karin waqtigii horay loogu qabtay oo ku eg 28bishan December.

Beesha caalamka oo shirkan qeyb ka ah ayaa hogaamiyayaasha shirsan ku cadaadinaya in la qabto waqti rasmi ah oo ay doorashada ku dhici karto, waxaana muuqanaya in mar kale ku hishiin doonaan hogaamiyayaasha xili cusub oo doorasho, taa oo laga yaabo in ay gaarto ilaa horaanta sanadka 2017-da.

SomaliSwiss        Muqdisho

SomaliSwiss@hotmail.com

 

Advertisements
%d bloggers like this: