Advertisements

Xoghayaha guud ee Ururka Isbaheysiga NATO oo Donald Trump u sheegay in kelinimo aanay dan u ahayn Yurub iyo Maraykanka toona.

natoXoghayaha guud ee Ururka Isbaheysiga NATO Jens Stoltenberg, ayaa u digay madaxweynaha la doortay ee Maraykanka, Donald Trump, waxaanu u sheegay in “kelinimo” aanay dan u ahaynYurub iyo Maraykanka toona.

Waxaa uu sheegay in reer galbeedka ay soo food saartay caqabadii ugu wayneed ee dhanka nabadgelyada ah ee mudo qarniyo soo marta.Intii uu ku jiray ololaha doorashada ayaa Trump wuxu ku tilmaamay isbahaysiga milatari ee gaashaan buurta reer galbeedka ee NATO mid hagaastay.

Waxaanu sidoo kale sheegay in Maraykanku aad uga fiirsan doono inta aanu wax gurmad ah u fidin hadii dal ka tirsan gaashaan buurta NATO la soo weeraro, hadii aanu dalkaasi bixin qaadhaanka ku waajibay ee ay tahay inuu siiyo NATO.

Maqaal uu ku qoray wargeyska ingiriiska ka soo baxa ee Observer ayaa Mr Stoltenberg ku qiray in ay jirto eedda Trump sheegay ee ah in loo baahanyahay in dalalka xubnaha ka ah gaashaan buurta kuwooda ladani bixiyaan qaadhaan badan maadaama Maraykanku haatan bixiyo ku dhawaad 70% dhaqaalaha ku baxa miisaaniyadda NATO.

Ugu danbeyntii, xog-hayaha ayaa intaa ku darray in hogaamiyeyaasha Maraykanku ay had iyo jeer garawsanaayeen in dalkoodu dano istiraatijiyadeed oo mug leh ku qabo Yurub xasiloon oo nabad qabta.

SomaliSwiss    Xigasho BBC

SomaliSwiss@hotmail.com

 

Advertisements
%d bloggers like this: