Advertisements

Dowladda Kenya oo bilowday dib u celinta qaxootiga Soomaaliyeed ee ku jira xeryaha Dhadhaab

Qaxooti.jpg4Dowlada Kenya ayaa shalay si rasmi ah u bilowday iney dalkooda dib ugu celiso qaxootiga Soomaaliyeed ee ku jira xeryaha Dhadhaab ee gobalka waqooyi Bari Kenya.

Qaxooti gaaraya 180 oo ah dufcaddii ugu horeeysay ayeey dowladda Kenya gaadiid ku daabushay iyadoo geysay magaalada Dhoobley.

Hey’adda UNHCR ayaa la sheegay in qaxootiga la soo gaarsiiyay Dhoobleey ay u diyaarisay gaadiid halkaasi ka sii qaada geeyana meela ay dalbadaan in la geeyo.

Maxamuud Saalax oo ah xiriiriyaha gobalka waqooyi bari ee dalka Kenya ayaa sheegay in markii ugu horreysay ay dowladda Kenya bilowday in qaxootigaasi ay ku soo celiso dalkooda Somalia, isagoo intaa ku daray in qaxootigaasi ay si iskood ah u go’aansadeen in ay dib ugu laabtaan dalkooda.

UNHCR ayaa sheegtay in qaxootiga ku soo laabanaya dalkooda Soomaaliya ay siineyso lacag sahay ah oo ku tagayaan dalkooda.

Dowladaha Kenya, ayaa hore u sheegtay in labada bishan oo ku beegneyd shalay ay bilaabeyso dib u celinta qaxootiga Soomaaliyeed ee ku jira xerooyinka Dhadhaab, waxaana muuqata in Kenya ay ka dhabeysay go’aankeedi ahaa iney dalkooda ku celineyso qaxootiga Soomaaliyeed ee ku jira xeryaha Dhadhaab.

SomaliSwiss      Dhadhaab

SomaliSwiss@hotmail.com

Advertisements
%d bloggers like this: