Advertisements

Madaxweyne Xasan Sh. Maxamuud oo maanta magaalada Muqdisho kula kulmay Xoghayaha Arrimaha Dibadda dalka Britain.

Somalia iyo Britan.jpg3MadaxweynahaDowladda Federaalka Soomaaliya Xasan Sh. Maxamuud ayaa maanta kulan gaar ah kula yeeshay Muqdisho Xoghayaha Arrimaha Dibadda dalka Britain, Philip Hammond oo maanta booqasho ku yimid Magaalada Muqdisho.

Somalia iyo Britan.jpg1.jpgMudane Xasan Sheekh ayaa Wafdiga Britain uga warramay xaaladda Dalka, gaar ahaan dhinacyada Siyaasadda, Amniga, Dib-u-dhiska Ciidanka iyo Taageerada Dowladda Britain ee Somalia.

Sidoo kale, Xoghayaha Arimaha Dibadda dalka Britain Philip Hammond ayaa ugu horreyn Madaxweynaha uga Tacsiyeeyay Geerida Shacabkii ku Geeriyooday Weerarkii Muqdisho, Wuxuuna soo dhaweeyay horumarka ay Somalia ku tallaabsaneyso ee dhinacyada Amniga, Siyaasadda, La-dagaallanka Argagixisada iyo Dib-u-soo-nooleynta Hay’adaha Dowliga.

Somalia iyo Britan.jpg2.jpgWafdiga ka socday dalka Birtain iyo Mas’uuliyiinta Somalia, ayaa waxay ka Wada-hadleen is-kaashiga Amniga, Xoojinta Barnaamijka Dowladda ee la socodka nidaamka maaliyadda, Taageerada Barnaamijka isku-dhafka ciidamada, iyo Wada-shaqeynta ciidamada Midowga Afrika ee AMISOM iyo kuwa Soomaaliya.

Madaxweyne Xasan Sheekh, ayaa Wasiirka u Xaqiijiyay Wafdiga in Dalka Somalia ay ka go’an tahay inay Sannadkaan Doorasho qabato, taasoo dhici doonta Wakhtiga loogu Talo-galay ee ah Bisha Ogoosto ee Sannadkan 2016-ka. Wuxuuuna Madaxweynaha ka codsaday Hammmond in uu Salaan iyo Mahad-naq ka Gaarsiiyo Ra’iisul Wasaaraha Britain, David Cameron.

Xoghayaha Arrimaha Dibadda UK, Mr Philip Hammond ayaa iska hadalkiisa ku soo Gaba-gabeeeyay in Britain iyo Xukuumadda Cameron ay ka go’an tahay Taageerada Soomaaliya ee Dhinacyada Horumarka, Kaabeyaasha Dhaqaalaha, Amniga iyo Wax walba oo gacan ka Geysanaya in mar kale Somalia ay Cagaheeda dib-isu-taagto.

Somalia iyo BritanUgu dambeyntii, Kulanka Waxaa Goob-joog ka ahaa; Ra’iisul Wasaaraha Somalia, Cumar C/rashiid Cali Sharma’arke iyo Mas’uuliyiin ka Tirsan Xukuumadaha Somalia iyo Britain.

SomaliSwiss         Muqdisho

SomaliSwiss@hotmail.com

Advertisements
%d bloggers like this: