Seminaarkii Guddiga Joogtada ah ee Baarlamaanka ugu socday Kampala oo maanta la soo gebageboobay.

Guddiyada Baarlamaanka.JPG2Guddiga Joogtada ah ee Golaha Shacabka Jamhuuriyadda Federaalka Soomaaliya ayaa waxaa maanta loo soo gebageboobay Seminaar howleedkii ugu socday magaalada Kampala ee Caasimadda dalka Uganda, kaas oo la xiriiray dejinta qorshayaasha Kalfadhiga 6aad ee Baarlamaanka Federaalka Soomaaliya oo dhowaan furmi doona.

Kulan howleedkan mudo Lix cisho ah uga socday guddiga Joogtada ah ee Baarlamaanka Federaalka Soomaaliya magaalada Kampala ee caasimadda dalka Uganda ayey xubnaha Guddiga Joogtada ah kaga hadleen qorshayaasha ugu muhiimsan ee ay tahay in uu qabto Baarlamaanka Soomaaliya oo dhowaan u u bilaaban doono Kalfadhiga 6aad.

Sidoo kale Guddiga Joogtada ah waqti badan ku bixiyeen dejinta xuquuq ay yeelanayaan mas’uuliyiinta xilalka kala duwan ka qabta Dowladda Soomaaliya.

Xoghayaha Guud ee Golaha Shacabka Jamhuuriyadda Federaalka Soomaaliya Mudane C/kariin Xaaji Cabdi (Buux) oo markii uu kulan howleedkaasi usoo gebageboobay guddiga joogtada ah ee Baarlamaanka Soomaaliya la hadlay Warbaahinta ayaa tilmaamay in kulanka intii uu socday ay xubnaha guddiga joogtada ah aad iskula garteen xuquuq lacageed oo ay yeelanayaan mas’uuliyinta xilalka sar sare ka qabta dowladda ee shaqada ka tagay iyo mas’uuliyinta howlgabka noday ayadoo lacagtaasina jaangooynteeda aad la iskula gartay.

Guddiga Joogtada ah ee Baarlamaanka oo ka kooban Guddoonka Golaha Shacabka iyo Guddoomiyeyaasha Guddiyada Joogtada ah ee Baarlamaanka ayaa iyagu inta badan xiliga uu Baarlamaanka ku jiro fasaxa Kalfadhiga waxa ay dejiyaan qorshayaasha ugu muhiimsan ee la doonayo in uu Baarlamaanka ku shaqeeyo hadba kalfadhiga markaasi u bilaabanaya.

SomaliSwiss        Muqdisho
SomaliSwiss@hotmail.com

%d bloggers like this: