Shirkii looga hadlayay Dib u habeynta iyo kor u qaadista Afka Soomaaliga oo maanta la soo gabagabeeyey…..

Shirka AfsoomaaligaShirkii looga hadlayay Dib u habeynta iyo kor u qaadista Afka Soomaaliga ee Maalmahaan ka socday Magaalada Muqdisho ayaa maanta la soo gabagabeeyey, waxaana ka soo qayb galay Xiritaankiisa Xubno ka tirsan wasiirada Xukuumada Soomaaliya waxaana ka mid ahaa wasiirka Wasaarada Warfaafinta hidaha iyo Dalxiiska Soomaaliya iyo Wasiirka Wasaaradda Islaamka Dhaqanka iyo Awqaafta Janhuuriyada Jabuuti, iyadoo halkaas lagu soo bandhigay War Murtiyeed dhowr iyo Toban Qodob ka kooban oo laga soo saaray Shirkaas.

Wasiirka warfaafinta Hidaha iyo Dalxiiska Somalia Mudane Maxamed Cabdi Xayir Maareeye oo ka hadlay Xiritaanka Shirka ayaa waxaa uu Mahad Naq balaaran u jeediyay Aqoon yahanada ka kala yimid Goobo Fog fog ee ka qayb galay Shirkaan Caalamiga ah waxaana uu sheegay in Geesiyada u soo halgamay Afka Hooyo ay Taariikhdu Xusi Doonto.

Wasiirka Wasaarada Islaamka Dhaqanka iyo awqafta Dowladda Jabuuti Mudane Aadan Xasan Aadan oo ka hadlay Gaba gabada Shirkaas ayaa waxaa uu sheegay in Dowladda Jabuuti iyo Dowladda Federaalka ah ay iska kaashan doonaan Dhismaha Xarunta Akadamiyad Goboleedka Dhawaan Muqdisho ay ka fureen Madaxweynayaasha Somalia iyo Jabuuti Waxaana uu kula Dar daarmay Dhalinta ku Hadasha Afka Soomaaliga in ay Kor u qaadaan.

Shirkaan Todobaadka Afka Soomaaliga ayaa 21 kii Bishaan Feberaayo ka Furmay Magaalada Muqdisho iyadoo Furitaankiisa ay ka qyab galeen Madaxweynaha Jamhuuriyada Federaalka ah Ee Somalia Mudane xasan Sheikh Maxamuud iyo Dhigiisa Jamhuuriyada Jabuuti Mudane Ismaaciil Cumar Geele waxaana ka qayb galay Ergooyin ka kala yimid Maamul Goboleedyada Dalka ka jira iyo Dowladaha Jabuuti Kenya iyo Ethiopia Sidoo kale Aqon yahano Soomaaliyeed oo ka kala yimid Gudaha Dalka iyo Dibadiisa waxaana ay si wada jir ah u Bogaadiyeen Ergadu Hirgalinta Akadamiyad Goboleedka Dhaqanka .

SomaliSwiss            Muqdisho
SomaliSwiss@hotmail.com

%d bloggers like this: