Shacabka ku dhaqan Magaaladaa Gaalkacyo oo billaabay Barakac xiisad Colaadeed ka taagan awgeed.

Barakac GaalkacayoMagaalada Gaalkacyo ayaa la sheegayaa in saaka ay ka taagan tahay xiisad colaadeed, iyadoo shacabka degmada ay billaabeen inay barakacaan, kaddib markii ay dareemeen dhaqdhaqaaqyo ciidan oo ay wadaan ciidammo ka kala amar qaata maamullada Galmudug iyo Puntland.

Wararka ayaa waxay sheegayaan in labada maamul ay ciidammo fara badan soo dhoobeen xuduudda ay wadaagaan, taasoo keentay in shacabku ay cabsi xooggan dareemaan.

Maamullada Puntland iyo Galmuudg ayaa waxaa toddobaadkii u dambeeyay u dhexeysay xiisad ka dhalatay garoon la xiray, iyadoo labada dhinac ay isku hanjabeen, inkastoo xukuumadda iyo waxgaradku ay ugu baaqeen inay si nabad ah ku dhameeyaan khilaafkooda.

Sidoo kale, wararka saaka laga helayo degmada Gaalkacyo ayaa sheegaya in uusan jirin dhaqdhaqaqii ganacsiga, inkastoo meelo yaryar ay furan yihiin, waxaana tani ay imaanaysaa xilli madaxweynaha Galmudug oo Cadaado ku sugan uu maalin ka hor ku dhawaaqay in xiisdda si nabad ah lagu xalliyo.

Mas’uuliyiinta Puntland iyo Galmudug ayaa labada dhinac isku eedeeyay in xiisadaha colaadeed ay iyagu wadaan, iyadoo la sheegayo in shacabku ay u barakacayaan deegaannada magaalada ku dhow-dhow.

Ha yeeshee ilaa hadda ma jiro mas’uul ka tirsan labada dhinac oo ka hadlay xiisadda saaka ka taagan degmada Gaalkacyo, iyadoo xiisadan ay noqonayso tii ugu horreysay nooceeda oo labadan maamul soo dhexgasha tan iyo markii xilka madaxnimo ee Puntland uu qabtay C/weli Gaas oo hroay ra’iisul wasaare u soo noqday.

SomaliSwiss Gaalkacayo
SomaliSwiss@hotmail.com

%d bloggers like this: