Advertisements

Maxkamadda Ciidamada ee darajada koowaad oo xukunno dil iyo xabsi ah ku ridday 13 dhallinyaro ah.

???????????????????????????????Maxkamada ciidanka qalabka sida ayaa xukuno dil iyo xabsi daa’in ah ku ridday maanta 13 qof oo dhallinyaro ah, kuwaasoo horay xukunno ay ugu ridday maxkamadda kuna xirnaa xabsiga dhexe ee Xamar, iyadoo lagu eedeeyay inay xabsiga ku dhex-dileen maxbuus kale.

???????????????????????????????Mudane C/llaahi Maxamed Muuse (Keyse) oo ah Afhayeenka Maxkamada ciidamada qalabka sida, ayaa warbaahinta u sharraxay xukunka ay maxkamada darajada koowaad ku ridday 13-kan qof, wuxuuna sheegay inay ka tirsan yihiin Al-Shabaab, horayna xukunno loogu riday; balse xukunkan labaad uu ku yimid kaddib markii ay xabsiga dhexe gudihiisa ku dileen maxbuus kale oo lagu magacaabi jiray, C/casiis Muxyadiin Hiraabe.

Sidoo kale, Keyse ayaa sheegay in toddoba ka mid ah raggan lagu xukumay dil toogasho ah, lixda kalena lagu xukumay xabsi daa’in ah, kadib markii markhaatiyaal iyo cadeymo loo helay dambigooda.

Dhanka kale Mudane Keyse oo hadalkiisa sii wato wuxuu yiri: “Maxkamaddu waxay xukuno kala duwan ku riddday 13-qof oo Al-shabaab ka tirsanaa, kaddib markii lagu soo eedeeyay inay xabsiga ku dhex dileen maxbuus kula xirnaa oo C/casiis Muxyadiin Hiraabe lagu magacaabi jiray”.

Afhayeenka maxkamada wuxuu yiri: “Toddoba ka mid ah raggan waxaa lagu riday xukun dil toogasho ah, lixda kalena waxaa lagu xukumay xabsi daa’in, waxaana eedooda ay maxkamaddu u heshay caddeymo ku filan.”

Ha yeeshee Ruuxa maxkamadda lagu dhex-dilay ayaa ahaa askari ka tirsanaa ciidamada xoogga dalka, kaasoo u adeegi jiray maxaabiista ku jirta xabsida dhexe ee Muqdisho, waxaana dilkiisa loo sababeynayaa ciidannimadiisa.
Afhayeenka maxkamadda ciidamada qalabka sida wuxuu sheegay in xukunka lagu riday raggan ay rafcaan ka qaadan karaan muddo bil gudaheed ah, haddii ay qaadan waayaanna uu sidaas ku dhaqan-galayo.

Si kasta ha ahaatee arrintan ayaa noqonaysa tii ugu horreysay oo maxaabiis ku jira xabsiga dhexe ee Muqdisho lagu soo eedeeyo, iyadoo ay maxkamaddu horay ugu fulisay dilal toogasho, xubno ka tirsanaa Al-shabaab oo lagu eedeeyay inay falal kala duwan ka fuliyeen Muqdisho.

SomaliSwiss     Muqdisho
SomaliSwiss@hotmail.com

 

//

Advertisements
%d bloggers like this: