War dheeraad ah ayaa kasoo baxay weerar ay Koox ka tirsan Xarakada Al-shabaab maanta ay ku qaadeen xabsiga Godka Jilicow oo ku yaalla gudaha xarunta Nabadsugidda gobolka Banaadir oo ku dhow xarunta madaxtooyada Soomaaliya, iyadoo saraakiil ka tirsan kuwa nabadsugidda dowladda ay sheegeen inay soo afjareen weerarkaas ayna ku dileen goobta dhammaan kooxihii weerarka soo qaaday.
Filed under: Muqdisho | Comments Off on War dheeraad ah ee ka soo baxay weerarkii ay Al-shabaab ku qaadday Xarunta Nabadsugidda Qaranka.
Danjire Cali Siciid Faqi oo ah Danjiraha Soomaaliya u fadhiya Midowga Yurub iyo dalka Belgium, ayaa maanta uga warramay Warbaahinta dacwaddii ay dowladda Soomaaliya u gudbisay maxkamadda QM ee la xiriirtay muranka xuduudeedda badda ee u dhexeeya Soomaaliya iyo Kenya. 
Warar naga soo gaaray Saakay ayaa sheegaya in kooxo ka tirsan Al-shabaab ay weerar xooggan ku qaadeen Xarunta Nabadsugidda Gobolka Banaadir oo ku taalla xabsigii godka jilacoow oo ku dhow Barlamaankii hore ee Soomaaliya. 
Howlgalka Badweynta Hindiya oo loogu saarayo Maleeshiyaadka Al-Shabaab ayaa waxaa uu shalay ka bilowday gobolka Shabeellaha Hoose, sidoo kalena waxaa maanta ciidamada XDS oo gacan ka helaaya kuwa AMISOM ay ka billaabeen G/Sh/Dhexe. 
Wafdigii xukuumada Federaalka Soomaaliya oo uu wehliyo Col. Barre Hiiraale ayaa Maqrabnimadii maanta soo gaaray magaalada Muqdisho. Wasiirka arrimaha gudaha C/llaahi Goodax Barre oo maalmihii la soo dhaafay howlo nabadeyn ah u joogay magaalada Kismaayo ayaa ku guuleystay iney Barre Hiiraale ku qanciyaan inuu qaato hanaanka nabada.
Maxkamadda sare ee ciidamada qalabka sida ee Soomaaliya ayaa maanta xukun dil ah ku riday maleeshiyaad ka tirsan kooxda Al-Shabaab oo horey Maxkamadda darajada kowaad xukuntay.
Warkii ugu dambeeyay oo goor dhow naga soo gaaray Gobolka Sh/Hoose ayaa sheegaya in Ciidamada dowladda Soomaaliya iyo kuwa AMISOM ay la wareegeen deegaanada Gol-weyn iyo Buulo-mareer iyo dadweynihii deegaanka oo ka Barakacay.
Madaxweyne Xassan Sheekh Maxamuud ayaa maanta khudbad dheer oo ka hadleysa xaaladda uu xilgan ku sugan yahay dalkeen marxaldihii uu soo maray isbedelka kajira iyo hiigsiga qorshaha sanadka 2016 ka jeediyay machadka istiraatijiyadda ee dalka Turkiga iyadoo ay su’aalo kala duwan weydiiyeen Prof.ro siyaasiyiin, wariyaal, iyo aqoonyahano kuwaasoo dhamaantood ku qotomay xaaladda wadanka. 
Ciidamada Qalabka sida ee Soomaaliya iyo kuwa AMISOM ee ku sugan Gobalka Shabeelaha hoose ayaa Aroortii hore maanta weerar dagaal oo ka dhan ah Xarakada Al-Shabaab oo ka billowday deegano iyo degmooyin ka tirsan Gobolka Sh/ Hoose oo ay ku sugan yihiin maleeshiyada Al-shabaab .islamarkaasina ciidamada ay kula wareegeen deeganka Golwayn oo kaabiga ku hayso deeganka Buulo-mareer oo haadan ciidamada ay ku wajahan yihiin.
Wasiirka Gaadiidka iyo Duulista Hawada, ayaa maanta lagu wareejiyey Gaadiid Dab-damis ah, kaas oo uu ku deeqeen Xafiiska Taakuleynta AMISOM ee Q.M.
Ra’iisul wasaaraha Soomaaliya, C/weli Sheekh Axmed iyo wafdi uu hoggaaminayo ayaa maanta dib ugu soo laabtay Muqdisho, iyadoo ay kusoo dhaweeyeen garoonka diyaaradaha mas’uuliyiin ka tirsan dowladda, maamulka gobolka Banaadir iyo shacab.
Wakiilka Mareykanka u qaabilsan Soomaaliya, James P. McAnulty, ergayga Qaramada Midoobay Somalia, Nicholas Kay iyo safiirka Midowga Yurub ee Somalia, Michel Cervone d’Urso ayaa walaac ka muujiyay ciidamada hubaysan ee la geeyay tuulada Saaxdheer ee gobolka Sool iyo khilaafka ka dhashay.
Wasiirka warfaafinta Soomaaliya, Mustaf Sheikh Cali Dhuxulow ayaa ka warbixiyey mowqofka dowladda federaalka ee ku aaddan weerarkii ay ciidamada Somaliland ku qabsadeen shalay deegaanka Saaxdheer ee gobolka Sool,waxayna dowladda Federaalka ku baaqday in la joojiyo colaadaha iyo dhiigga daadanaya deegaanadaas.
Dowladda Federaalka Soomaaliya ayaa u dirtay maxkamadda ugu sarreysa Qaramada Midoobay dacwad la xiriirta muranka badda ee kala dhexeeya Kenya, si loo ogaado xadka badda ee uu dal walba leeyahay.
Madaxweyne Recep Tayyip Erdogan ayaa loo dhaariyay madaxweynaha cusub ee Turkiga, kaddib markii uu bishan ku guuleysatay doorashooyinkii ugu horreeyay oo ay shacabka dalkaas ku soo doortaan madaxweyne. Madaxweyne Erdogan oo saddex xilli oo isku xigta soo qabtay xilka ra’iisul wasaarenimo ee Turkiga ayaa wacad ku maray inuu muhiimadda koowaad siinayo sidii uu dalkiisa uga horumarin lahaa halka uu joogo.
Ururka Iskaashiga Islaamka (IOC) ayaa ugu baaqay beesha caalamka iyo maal-qabeennada inay gargaar deg-deg ah la gaaraan deegaannada ay abaaruhu ku habsadeen ee Soomaaliya.
Madaxweynaha jamhuuriyadda federaalka Soomaaliya Mudane Xassan Sheekh iyo wafdi uu hogaaminayo ayaa goor dhow soo gaaray waxaana si heer Sare ah loogu soo dhaweeyey magaalada Ankara ee xarunta dalka Turkiga, halkaasoo uu uga qeybgeli doono caleema saarka madaxweynaha cusub ee Turkiga Racep Tayip Erdogan oo ka dhaceysa maagalada Ankara. 
Col. Barre Aadan Shire (Hiiraale) oo ay shalay kula kulmay deegaanka Goobweyn ee duleedka magaalada Kismaayo wafdi ka socday dowladda Somalia iyo urur goboleedka IGAD ayaa sheegay inuu tagayo Kismaayo, uuna ka qaybgalayo shir dib u heshiisiin ah kaga qaybgalayo.
Ciidamada Somaliland ayaa saaka la wareegay gacan ku haynta deegaanka Saaxdheer oo 75-km dhinaca Koonfur kaga beegan magaalada Laascaanood ee xarunta gobolka Sool.
Madaxweynaha Jamhuuriyadda Federaalka ah ee Soomaaliya Mudane Xasan Sheekh Maxamuud iyo wafdi uu hogaaminayo ayaa maanta u amba baxay dalka Turkiga, halkaasi oo ay kaga qeyb geli doonaan xafladda caleemo saarka loo sameynayo Madaxweynaha cusub ee dalka Turkiga Recep Tayyip ErdoÄŸan.
Talisyada Ciidammada xoogga dalka Soomaaliya iyo Taliska Ciidamada nabad ilaalinta midowga Afrika ee AMISOM ayaa ku dhawaaqay in ay billaabayaan wajigii labaad ee howlgal ay kaga saarayaan gobollada dalka qaarkood Maleeshiyaadka Xarakada Al-shabaab, howlgalkaasoo ay ugu magic-dareen Badweynta India (Indian Ocean). 
Wafdi ka socda dalka Ingiriiska oo gaaray magaaladda Baydhabo ee xarunta gobolka Baay ayaa kulamo halkaasi kula qaatay gudiga farsamda ee maamul u sameynta Sadexda gobol ee Koonfur Galbeed Soomaaliya.
Guddoomiyaha Maxkamadda sare ee Ciidamada qalabka sida ee Soomaaliya G/dhexe C/raxmaan Maxamuud Tuuryare ayaa maanta xafiiskiisa ku qaabilay Wafdi ka socda Qaramada Midoobay oo ay hogaamineyso ku-xigeenka Wakiilka gaarka ah ee Qaramada Midoobay u qaabilsan Soomaaliya Fatiha Serour iyo Waldemar Vrey oo ah madaxa hay’adda amniga iyo sharciyada.
Wasaaradda Arrimaha Gudaha iyo Federaalka Soomaaliya oo magacaabay Guddiga Farsamo ee ka shaqeynaya Maamul u sameynta Gobollada Mudug iyo Galgaduud, waxayna Guddigaas ay ka kooban yihiin 27, xubnood, waxaana ka mid ah. 
Maxkamadda Sare ee Ciidamada Qalabka sida ayaa lix bilood oo xabsi ah ku ridday aabbe dhalay wiil la sheegay inuu ka tirsanaa Al-shabaab, kaasoo la sheegay inuu dilal ka geystay Muqdisho, halka wiilkaasna ay maxkamaddu ku xukuntay dil toogasho ah.
Guddoomiyaha Maxkamadda sare ee Ciidamada Qalabka sida ee dalka Cabdiraxmaan Maxamuud Tuuryare ayaa sheegay in ay dambi tahay in maleeshiyaadka Al-Shabaab laga kireeyo guryo ama goobo kale.
Ciidamada ammaanka oo kaashanay Maamulka degmada Xamarweyne ayaa ka fuliyay howl-gal ka dhan kooxaha maandooriyaha ka ganacsada iyo kuwa isticmaala ee ku sugan degmadaasi.
Wafdi ballaaran oo ka koobnaa wasiirro ka tirsan dowladda federaalka Soomaaliya, xubno ka socday IGAD iyo wakiillo ka socday qaar kamid ah dalalka deriska la ah Soomaaliya ayaa maanta gelinkii danbe xilliga Soomaaliya soo gaaray magaalada Kismaayo ee xarunta gobolka J/hoose. 
Hay’adda gar gaarka u qaabilsan dalka Qadar ee (Qatar Charity) ayaa maanta maamulka Gobolka Benaadir ku wareejiyay 40 doonyood oo loogu talagalay in lagu caawiyo kalluumeysatada gobolka Benaadir, iyadoo guddoomiye ku-xigeenka dhanka siyaasadda ee Maamulka Gobolka Mudane Maxamed Aadan Guuleed uu kaga mahadceliyay mas’uuliyiinta hay’adda Qadar, kaalmada ay soo gaarsiiyeen, isagoo xusay in ay wax weyn ku soo kordhineyso kalluumeysatada gobolka ku dhaqan.
Somali News Politics Documentaries Music Videos Intertainment 
You must be logged in to post a comment.