Hay’adda xuquuqda aadanaha ee Amnesty International oo fadhigeedu yahay dalka Britain ayaa sheegtay in weli qaar ka mid ah dalalka Afrika uu ka jiro jir-dilka loo geysto dadka dambiyada lagu qabto, kaasoo ay ciidanku u adeegsadaan inay dadka hadal kaga dhaliyaan.
Sida ay hay’adda Amnesty ay warbixinteeda ku sheegtay in baaritaan ay ku sameysay 140 dal oo caalamka ka tirsan ay ku ogaatay in weli jir-dilku mid ay ciidamadu isticmaalaan, iyadoo sheegtay inay diiwaan-gelisay noocyo badan oo jir-dil ah oo ka dhacay Afrika.
Sidoo kale hay’addu waxay sheegtay in Xabsiyada iyo goobaha dadka lagu hayo ay ka jiraan jir-dilku yahay qaab inta badan loo adeegsado si dadka xiran wararka looga dhaliyo, iyadoo sheegtay in dalalka falalkan sameynaya ay qaarkood yihiin kuwo ka mid ah kuwii saxiixay heshiiskii lagu mamnuucayay jir-dilka.
Hay’adda Amnesty ayaa waxay kaloo ay sheegtay in dalalka ay inta badan ka dhacaan jir-dilka loo geysto dadka la xiray inay ka mid yihiin: Itoobiya, Gaambiya, Kenya, Maali, Nigeria, Senegal, Sudan iyo Zimbabwe, iyadoo askartu ay garaacaan dadka xabsiyada ku jira – si xunna loo xiro, laguna hayo goobo cimilo ahaan aad u xun, isla markaana loo geysto xad-gudubyo dhanka galmada ah.
Dhanka kale Hay’adda Amnesty ayaa sheegtay in 10-dal oo Qaaradda Afrika ku yaalla ay meel-mariyeen sharciyada mamnuucaya jir-dilka, inkastoo dalalka Afrika ay gabi ahaantood saxiixeen heshiiska xuquuqda aadanaha ee mamnuucaya jir-dilka.
Ha yeeshee Wrabixinta hay’adda ayaa lagu xusay in sannadkan 2014-ka oo ay 30-sano kasoo wareegtay markii ay Qaramada Midoobay ansixisay heshiiska lagu mamnuucayay jirdilka, kaasoo ku qasbaya dowladaha caalamka inay jir-dilka ka hor-tagaan, ayay hay’addu sheegtay in ugu yaraan 24 dal oo ah kuwa ka hooseeya saxaaraha uu weli caadi ka yahay jir-dilka. Iyadoo xukuumadaha ka jira dalalkaas ay jir-dilka u aqoonsan inuu dhibaato yahay.
Amnesty International ayaa sheegtay in 58% dadka Kenya ay ka cabsadaan jir-dil marka la xiro, halka 50% dadka Nigeria ay cabsi taa la mid ah qabaan marka la xiro.
Inta badan dadkii ay hay’addu su’aalaha weydiisy ayaa u sheegay in sharci cad oo looga hor-tagayo jir-dilka ay u baahan yihiin, si ay uga badbaadaan dhibaatooyinka ay ciidamadu u geystaan marka la xiro.
SomaliSwiss          Geneve
SomaliSwiss@hotmail.com
//
Filed under: Muqdisho |
Somali News Politics Documentaries Music Videos Intertainment 
You must be logged in to post a comment.