Wafdi ay hoggaamineysay Wasiirada Arrimaha Dibadda Soomaaliya oo dib ugu Soo laabtay Dalka.

Wasiiradda FowzioWasiirka arrimaha dibadda ee Xukuumadda Federaalka Soomaaliya ayaa maanta dalka dib ugu soo laabatay kadib booqasho qaadatay hal todobaad oo ay ku tagtay dalka Shiinaha.

Wafdi ay hogaaminayso R/wasaare ku xigeen ahna wasiirka arrimaha dibadda Soomaaliya Fowsiyo Yuusuf Xaaji Aadan ayaa saaka ka soo degay garoonka diyaaradaha Aadan Cadde iyadoo halkaasi ay kusoo dhaweeyeen xubno ka tirsan wasaarada arrimaha dibadda iyo mas’uuliyiin kale.

Marwa Fowsiyo Yuusuf Xaaji Aadan oo shir Jaraa’id ku qabatay garoonka diyaaradaha Aadan Cadde ayaa sheegtay iney ka soo laabatay booqasho ay ku tagtay dalka Shiinaha,  iyadoo sheegtay in safarkaasi uu ahaa mid guul weyn laga soo gaaray iyadoo intaa ku dartay in dalka Shiinaha uu aad u daneynayo Soomaaliya islamarkaana ay jecelyihiin horumarka Soomaaliya.

Wasiirka arrimaha dibadda Soomaaliya ayaa waxay tiri : ‘’Waxaa nala geeyay gobollo kala duwan oo ay ku jirto caasimada Bijiin oo uu ka mid yahay gobol la yiraa Mangooliya iyo magaalada ganacsiga ee Shangahai oo naloogu talagalay inaan wax ka aragno horumarka ay gaareen iyo sida wax looga barankaro dalka Shiinaha waa dal aan leenahay cilaaqaad dheer’’.

Sidoo kale Wasiirka ayaa tilmaantay in dowlada Shiinuhu ay diyaar u tahay in si isku mar ah ay gobolada dalka uga bilaabidoonaan mashaarciic horumarineed oo wax tar u leh bulshada Soomaaliyeed.

R/was are ku xigeen ahna wasiirka arrimaha dibada ayaa rajo wanaagsan ka muujisay in dowlada Shiinuhu ay dhawaan fulindoonto mashaarciida ay balanqaaday iney dalkeena ka horgelineyo.

SomaliSwiss   Muqdisho

SomaliSwiss@hotmail.com

%d bloggers like this: