Magaalada Kampala oo maanta ka Furmay Shirka Madaxweynayaasha ay Ciidamadooda ka Joogaan Soomaaliya.

shirka UgandaWaxaa maanta ka furmay magaalada Kampala ee dalka Uganda shir ay wada yeelanayaan madaxweynayaasha ciidamada ay ka joogaan dalka Soomaaliya iyo madaxweynaha Xasan Sheikh Maxamuud.

Shirka ay maanta yeelanayaan Madaxweynayaasha ciidamadooda ka howlgalayaan Soomaaliya ayaa noqonaaya kulan ka duwan kii wasiirada arrimaha dibadda, waxaana looga hadlayaa kulankan  arimaha ammaanka iyo ciidamada AMISOM sidoo kale shirka waxaa yaala dacwad ka dhan ah ciidamada Kenya ee Kismaayo ku sugan.

Sidoo kale  Madaxweynayaasha ayaa ka wadahadli doona eedeymaha ciidamada Kenya ee looga gudbiyay midowga Africa oo ku aadan inay dhibaato ka geysteen dalka Soomaaliya, islamarkaana  la kala safteen kooxo ku dagalamay deegaanada Jubbooyinka.

Kulankan  ayaa lagu wadaa in laga soo saaro qodobo heshiis lagu wada yahay, waxaa la filayaa in kulankaas  socon doonaa ugu badnaan muddo sadax maalmood ah, waxaana  shirkaan  ka soo qeyb galaya madaxda ka tirsan wadammada deeqda bixiyaa.

SomaliSwiss      Kampala

SomaliSwiss@hotmail.com

%d bloggers like this: