ABWAAN MUSTAF SH. CILMI: Soomaliyeey taladiinu DILA docna uma dhaafsanee, hadduu Dowlad sheega dila, kii Diin wadana dila, kii Sajuuda ku daaho dila…

August 2012
M	T	W	T	F	S	S
	1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31

Posted on August 7, 2012 by SomaliSwiss

Soomaliyeey taladiina DILA, Docnaba uma dhaafsanee, Waxaad aragtaanba dila, Miyaa dawo lagu helaa, Ninkii hore aado dila, Hadduu dib u harana dila, Hadduu doc u leexdo dila, Hadduu dowlad sheego dila, Hadduu diin wadana dila, Sajuudda ku daaha dila. DAAWO VIDEO & QORAAL

HALKAN KA DAAWO VIDEO-GA ABWAAN MUSTAFE

DILA ( Maanso) Abwaan Mustafe Sheikh Cilmi:

—————————————-

Soomaliyeey taladiina DILA,

Docnaba uma dhaafsanee,

Waxaad aragtaanba dila,

Miyaa dawo lagu helaa,

——————————-

Ninkii hore aado dila,

Hadduu dib u harana dila,

Hadduu doc u leexdo dila,

Hadduu dowlad sheego dila,

Hadduu diin wadana dila,

Sajuudda ku daaha dila,

Ka dara oo xishoodka dila,

Dumarka dhulka xaaqi dila,

Ardada iskuulaadka dila,

Islaan canug duudsan dila,

Middii dihaneysa dila,

Horeba waa loo dilee,

Ninkii duunyo heysta dila,

Hadduu dibjir yahayna dila,

Hadduu daarta korana dila,

Hadduu soo degana dila,

Hadduu duub yahayna dila,

Hadduu doctor yahayna dila,

Midkii wax daweeya dila,

Wixii wax ogaada dila,

Intaan wax ogeyna dila,

Ogaalka naftiisa dila,

Si aan waxba loo ogaan.

———————————-

Hadaad sidaas doorateen,

Is dila isdaayaa ka wacan,

Dagaalka aad sii wadaan,

Dadku waa dhamaanayaa,

Dalkuna waa wareegayaa,

Waxaana soo dagi dad kale,

Digniin idin siiyayoo,

Dardaaranna iima harin,

Haddiise aad diidan tihiin,

Waxaad aragtaanba dila,

Xitaa idinkoo dhan is dila.

————————————

Foojignaan: Xuquuqda geeraarkaan waxaa ay u dhowran tahay Abwaan Mustafe Sheikh Cilmi iyo buuggiisa cusub ee: DAL MASIIBO DABBAASHAY, DAREEN HOOY U AHAADAY, oo maansadani kamid tahay maansooyin iyo sheekooyin dhab ah oo uu abwaanku u soo joogay ay ku qoran yihiin.