Shirkii kooxda Xiriirka Caalamiga Somaaliya (ICG) oo Maanta lagu soo gabogabeeyey mag. Jabuuti.

Halkaan ka akhri

Shirkii Kooxda Xiriirka Caalamiga (ICG) oo shalay ka furmay magaalada Djibouti ayaa maanta galabnimadii la soo gabagabeeyey , waxaana shirkaas  looga hadlay arrimo fara badan oo ay ka mid yihiin arrimaha amniga, gaar ahaan sidii loo sii wadi lahaa howlgaladda looga soo horjeedo kooxaha Al-Shabaab,.

Sidoo kale waxaa shirkaas looga hadlay, sidii shacabka Soomaaliyeed loogu abuuri lahaa nolol gaar ahaan degmooyinka iyo gobollada laga xorreeyo Al-Shabaab, waxaa kaloo si gaar ah looga hadlay Shirka London ee 23 February 2012 oo la isku raacay in shirkaas uu noqdo mid maslaxadda Soomaaliyeed ay ku jirto oo looga hadlo sidii xal waara looga gaari lahaa arrimaha amniga.

Ugu danbeyntii waxaa ka soo qayb gelayaasha isla garteen in xilliga kala guurka ah la soo afjaro 21 August 2012, isla markaana la dar-dar geliyo dhameystirka Dastuurka iyo dib u habeynta baarlamaanka oo la isku raacay in baarlamaanka cusub uu noqdo mid tayo leh oo ay jiraan shuruurda sida waxbarasho, in shaqsiga uusan danbi hore u galin ama uusan soo noqon warlord, isla markaana sumcad ku dhex leh bulshada dhexdeeda.

Ra’iisul Wasaaraha dowladda KMG Soomaaliya Dr Abdiweli Mohamed Ali oo xiritaanka shirka ICG maanta ka soo jeediyey khudbaddii xiritaan ahayd, wuxuu beesha caalamka ka codsaday inay mowqif mideysan yeeshaan oo shirka london lagu xoojiyo sidii ciidamda Soomaalida iyo hay’adaha amniga dib loogu dhisi lahaa iyo in roadmap ka iyo Garowe Principles ay noqdaan saldhigga dooda iyo waxqabadka.

SomaliSwiss      Jabuuti

SomaliSwiss@hotmail.com

%d bloggers like this: