Advertisements

Macallin Daahir Aweys oo xalay ku geeriyooday degaanka Ceelasha Biyaha, Maantana lagu aasay isla halkaasi.

Halkaan ka akhri

Allaha u Naxariistee Macallin Daahir Aweys oo ahaa Aabihii Sheikh Xasan Daahir Aweys ayaa xalay ku geeriyooday degaanka Ceelasha Biyaha oo uu maalmihii ugu dambeeyay ku xanuunsanaa, waxaana geeridiisa ka hadlay wiilkiisa Sheikh Xasan Daahir Aweys.

Waxaa la sheegay in Macallin Daahir Aweys uu xanuunsanaa maalmihii ugu dambeeyay, isla markaana maanta lagu aasayo degaanka Ceelasha Biyaha, .

“Macallinka waxaa uu ahaa 90-jir, waxaana uu ku caan baxay barida caruurta Qur’aanka Kariimka ah, aniga ayaana ka mid ahaa caruurtii uu Qur’aanka baray” ayuu yiri Sheikh Xasan Daahir Aweys, wuxuuna intaasi ku daray in uu Aabihii ka soo diin qaaday oo soo wax baray.

Waxaa kale oo uu sheegay Sheikh Xasan Daahir Aweys in Aabihii uu ahaa Macallin u go’ay fidinta Diinta Islaamka iyo inuu dugsiyo badan ka hirgeliyay dalka, kuwaasi oo arday badan ay ku barteen Qur’aanka Kariimka.

Dhinaca kale saakay salaada subax kaddib ayaa Janaaso lagula Dukaday Masjidka dabaqeynka ee ku yaala degaanka Ceelasha Biyaha, halkaasi oo kaddibna lagu aasi doono qabuuro ku yaala isla degaankaasi.

SomaliSwiss Muqdisho

SomaliSwiss@hotmail.com

Advertisements
%d bloggers like this: