Halkaan ka akhri
War naga soo gaaray magaalada Kampala ee xarunta dalka Uganda ayaa sheegay in Madaxweynaha dowladda KMG Soomaaliya Sheikh Shariif Sheikh Axmed iyo guddoomiyaha Baarlamaanka Shariif Xasan Sheikh Aadan ayaa kulammo ay albaabadu u xiran yihiin illaa xalay ku lahaa.
Warku wuxuu intaa ku darayaa in Kulammadan uu garwadeen ka yahay wakiilka xoghayaha guud ee Qarammada Midoobay ee arrimaha Soomaaliya danjire Augustine P. Mahiga ayaa ah kuwo lagu doonayo in la isku fahamsiiyo labada Shariif oo uu u dhexeeyo khilaaf dastuuri ah.
Sidoo kale Xildhibaano ku sugan goobta uu shirku ka dhacayay ayaa sheegaya in qodobka ay labada mas’uul isku mari la’yihiin uu yahay midka doorashada.
Sidoo kale Xildhibaannadan ayaa sheegay in khilaafyadii kale oo dhan laga heshiiyay, balse ay labada mas’uul ku kala aragti duwan yihiin xiliga ay doorashadu dhacayso, iyadoo Sheekh Shariif uu soo jeediyay in dib loo dhigo doorashada muddo sannad ah, halka Shariif Xasan uu ku adkeysanyo in doorashada xilligeeda ay dhacdo.
Dhanka kale Danjire Mahiga ayaa la sheegay inuu labada mas’uul la kulmay, islamarkaasna uu isku dayayo inuu isku soo dhaweeyo, waxaana lagu wadaa inay kulammadu sii socodaan maanta oo Isniin ah, waxaana khilaafka labadan mas’uul ka dhex-taagan uu hareerayay shirkii kooxda xiriirka caalamiga ah ee Soomaaliya ee ka dhacay Kampala kaasoo aan weli laga soo saarin war-murtiyeed.
Hase yeeshee go’aannadii shirkii  Xiriirka Caalamiga ah ee Soomaaliya (ICG) laga soo saari lahaa maanta ayaa dib loo dhigay illaa berri sida ay sheegayaan wararka laga helayo Kampala, waxaana sababta dib u dhaca lagu sheegay khilaafka labada mas’uul iyo inaan lagu soo darin warmurtiyeedkan halkii sano ee uu codsaday Madaxweynaha Uganda in loogu daro xukuumadda KMG ah ee Soomaaliya.
SomaliSwiss    Kampala
Related articles
- Ciidamada Badda ee wadanka Holland oo khasaare u geysteen Burcad badeed Somali ah. (somaliswisstv.com)
- Saraakaal ka tirsan sirdoonka Maraykanka oo sheegay in hogaamiyihii Al-Qacida uu qoorsheynayey in weraro laga fuliyo Soomaaliya iyo Wadamo kale. (somaliswisstv.com)
- Ra’isalware Farmaajo oo magacaabay Taliyaha Ciidanka Asluubta Soomaaliyeed, iyo qaar ka mid ah Agaasimiyaasha Guud ee Wasaaradaha. (somaliswisstv.com)
- Wasaaradda gaashaandhiga wadanka Spain oo sheegtay in Ciidamadeeda badda ay qab-qabteen koox burcad badeed Soomaali ah. (somaliswisstv.com)
- War saxaafadeed ka soo baxay Taliska Ciidamada AMISOM oo lagu sheegay in si buuxda ula wareegeen guud ahaan degmada Boondheere. (somaliswisstv.com)
DAAWO HEES KHADRA DAHIR
Filed under: Kambala |
Somali News Politics Documentaries Music Videos Intertainment 
You must be logged in to post a comment.