Ra’isal wasaare Maxamed Farmaajo oo sheegay in xukuumadiisa mush-aar ay siinayso xildhibaanada jooga magaalada Muqdisho.

May 2011
M	T	W	T	F	S	S
	1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30	31

Posted on May 31, 2011 by SomaliSwiss

Halkaan ka akhri

Ra’iisul Wasaaraha doqladda KMG Soomaaliya Maxamed C/llaahi Farmaajo ayaa sheegay in Xukuumadiisa ay waday maalmahan howlo qeybineyso Xildhibaanada Baarlamaanka mush-haardkooda, balse Ra’iisul Wasaaruhu wuxuu caddeeyey in mush-haarka ay siinayaan oo kaliya Xildhibaanada jooga magaalada Muqdisho.

Ra’iisul Wasaare Farmaajo oo saaka wareysi gaar ah siinayay Idaacada afka Dowladda ku hadasha ee Radio Muqdisho wuxuu tilmaamay in mush-haarka ay leeyihiin Xildhibaanada Muqdisho ku sugan, isla markaana Xildhibaanada dibada ku maqan aanay wax mushaar heli doonin haddii ay Muqdisho imaanin.

Sidoo kale Ra’iisul Wasaaraha ayaa faah faahin ka bixiyay shirka bisha June Muqdisho ka dhici doono, isagoo sheegay in shirkaas uu yahay mid Umadda Soomaaliyed ay aayaheeda kaga tashaneyso.

Raiisul Wasaare Farmaajo oo arrintaas ka hadlayey wuxuu yiri: “Shirkaas waxaa kaalinta ugu weyn ka qaadan doona shacabka Soomaaliyed iyo Xukuumada, waa shir aayaha umada Soomaaliyed ay uga tashaneyso”wuxuuna intaa ku daray in shirkaas lagu casuumi doono Waxgaradka, Culumaa’udiinka, Haweenka iyo qeybaha bulshada oo idil, kaasoo uu sheegay inay fikradooda ka dhiiban doonaan.

Hase yeeshee hadalka Ra’iisul Wasaaraha ayaa ku soo beegmaya xilli Golaha Ammaanka ay isku raaceen in shirka lagu qabanayo bisha June Magaalada Muqdisho uu maamulo Wakiilka Qaramada Midoobey ee Soomaaliya, kaasoo la filayo in natiijo wax ku ool ahi ka soo baxaan.

SomaliSwiss Muqdisho

SomaliSwiss@htmail.com