Barakac baahsan oo ka socda Suuqa Bakaaraha iyo Ganacsatada oo alaabtooda u raranayso Suuqyada kale ee waaweyn.

May 2011
M	T	W	T	F	S	S
	1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30	31

Posted on May 30, 2011 by SomaliSwiss

HOOS KA DAAWO SAWIRADA

Halkaan ka akhri

Waxaa Barakac baahsan uu ka socda Suuqa Bakaaraha, waxaana ganacsiga suuqaasi isu badalay maalmihii u dambeeyay goob dagaal oo madaafiicda iyo rasaasta uu bartilmaameed u noqtay.

Waxaa si aad ah u socda howlaha ay Ganacsatada alaabtooda uga raranayaan suuqyada kale waaweyn ee ku yaal degmooyinka Xamarweyne, Wadajir, Afgooye iyo Dharkenley.

Toddobaadkii hore ayaa waxay ciidamada dowladda iyo kuwa AMISOM ay gacanta ku dhigeen albaabada laga soo galo Suuqa Bakaaraha kadib dagaal gaaban oo ay la galeen maleeshiyada Al-Shabaab kuwaas oo iminka intooda badan isugu ururay gudaha suuqaas, waxayna gabaad ka dhigteen daaraha dhaadheer ee Suuqdaas.

Waxaa la filayaa in xilli kasta dagaal fool-ka-fool ah inuu ka dhaca suuqa Bakaaraha, waxaana haatan dhinacyada dagaalamaya ay isku weydaarsadaan suuqaasi madaafiic.

Dadka aqoon dheer u leh habka dagaal ayaa ka digay dagaal culus oo lagu hoobto ka dhaca suuqa Bakaaraha, islamarkaana bur-bur xooggan loo geysta suuqaasi.

Hase yeeshee Saraakiisha AMISOM iyo kuwa Soomaalida ayaa dhowr jeer oo hore sheegay in suuqaasi xarun ciidan u yahay kooxda Al-Shabaab.

SomaliSwiss Muqdisho

SomaliSwiss@hmail.com