Halkaan ka akhri
Waxaa Saakay ilaa xalay Rasaas goosgoos ah laga maqlaayey Aagaga Hodan iyo Howlwadaag kuwaas oo maalmahaan dagaalo ka jiray, waxaana la soo xaqiijanayo in ciidamada Dowladda iyo kuwa AMISOM ay weli ku sugan yihiin wadada Wadnaha.
Hase yeeshee Ciidamada Dowladda iyo kuwa AMISOM ayaan weli gelin suuqa Bakaaraha, inkastoo dhinaca suuqa lagaga soo ridayo xabado teel teel ah, Tangiga AMISOM ayaa weli taagan isgoyska Howlwadaag oo ku jeeda suuqa Bakaaraha, sidoo kale waxaa la ogyahay in ciidamada Xarakada Al-shabaab ay gudaha suuqaas ka dhiganayaan gabaad.
Sidoo kale ciidamada  Dowladda iyo kuwa AMISOM ayaa waxay sheeganayaan in ay la wareegeen Xaafadaha Afrikan Village iyo guryihii Bankaariyada ,halkaas oo ay kala wareegeen ciidamada Alshabaab oo ku sugnaa maalmihii la soo dhaafay.
Xaaladaha Aagaga dagaalka ayaa ah kuwa mar kasta is badalo laga filan karo, iyadoo guulaha ay gaarayaan ciidamada dowlada iyo kuwa AMISOM ay yihiin kuwa is daba yaal oo mar kasta ay ku sii siqayaan fadhiisamada ciidamada Alshabaab.
Dhanka kale dagaalkaan ayaa ahaa mid ay ciidamada xarakada Al-shabaab ay ku soo qaadeen fadhiisamada ciidamada AMISOM ay ku leeyihiin wasaaradii hore ee Gaashaandhigga, kaas oo ay markii hore lagala wareegay ciidamada Alshabaab.
Balse waxaa lagu soo warramayaa in dagaalkan laysku adeegsaday hubka noocyadiisa kala duwan waxaana ilaa xalay la maqlayey duqeyn culus oo ay labadaba dhinac is dhaafsaneyeen waxaanse ilaa hada la ogeyn khasaarihii ka dhashay dagaalkan.
Si kasta ha ahaatee Aaga Wasaaradii hore ee Gaashaandhigga  ayaa ahaa maalmihii la soo dhaafay mid aan ka jirin dagaal, balse wuxuu ahaa meel  ay isku horfadhiyeen labada dhinaca lana filan karay inuu xilli kasta uu dagaal ka qarxo.
SomaliSwiss     Muqdisho
Related articles
- Xaflad weyn oo lagu sagootinayay maamulka iyo madaxda dowlad goboleedka Hiiraan & Midland STATE oo xalay ka dhacday magaalada London. (somaliswisstv.com)
- Ciidamada Badda ee wadanka Holland oo khasaare u geysteen Burcad badeed Somali ah. (somaliswisstv.com)
- Saraakaal ka tirsan sirdoonka Maraykanka oo sheegay in hogaamiyihii Al-Qacida uu qoorsheynayey in weraro laga fuliyo Soomaaliya iyo Wadamo kale. (somaliswisstv.com)
- dowladda Holland oo sheegtay inay Ciidamo u soo dirayso gudaha dalka Somaliya. (somaliswisstv.com)
- Ra’isalware Farmaajo oo magacaabay Taliyaha Ciidanka Asluubta Soomaaliyeed, iyo qaar ka mid ah Agaasimiyaasha Guud ee Wasaaradaha. (somaliswisstv.com)
- Burundi, Uganda to send 3,000 more troops to Somalia(reuters.com)
"Pillars of a 17th century Mosque at Hafun,Somalia" Image via Wikipedia
Filed under: Muqdisho |
Somali News Politics Documentaries Music Videos Intertainment 
You must be logged in to post a comment.