Diyaaradaha dagaalka oo la sheegay in ay dul heehaabayaan qaybo ka mid ah Muqdisho.

May 2011
M	T	W	T	F	S	S
	1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30	31

Posted on May 21, 2011 by SomaliSwiss

Halkaan ka akhri

Dadweynaha ku dhaqan degmooyinka ku yaala duleedka W/Muqdisho gaar ahaan degmada Kaaraan iyo Huriwaa ayaa sheegaya inay arkeen diyaarado joog hoose ku socda oo dul heehaabayay hawada degmooyinkaas, kuwaas oo ay maamulaan xarakada Al-Shabaab.

Sida la sheegay diyaaradahaan ayaa maalintii labaad lagu arkay isla xaafadihii ay shalay hawadooda ku socdeen, iyadoona dadka degaanka ay sheegeen in ciidamo ka tirsan xarakada Al-Shabaab ay Gantaalo la dhaceen qaar ka mid ah diyaaradahaasi.

Sidoo kale Wararku waxaa la sheegay in diyaaradahaas joog hoose ku socdeen ay ahaayeen noocooda Helikobtar waxaana ku rakibnaa qoryaha darandooriga u dhaca iyo gantaalaha ridada dheereeya.

Dhanka kale waxaa lagu soo warramay in sidoo kale diyaaradahan lagu arkay xaafado ka tirsan Degmooyinka X/Weyne, X/Jajab, Shangaani, C/Casiis iyo degmooyinka ay maamusho Dowladda KMG ah, walow diyaaradahaasi ay hal mar duulimaad hoose ku mareen degmooyinkan.

Hase yeeshee ilaa iyo haatan lama oga halka ay diyaaradahaasi ka soo kaceen, hase yeeshee warar aan la xaqiijin ayaa sheegaya in diyaaradahaasi ay ka soo duuleen maraakiibta ku sugan xeebaha geeska Afrika iyo Soomaaliya ee iyagu la dagaalama kooxaha burcad badeeda ah.

SomaliSwiss Muqdisho

SomaliSwiss@hotmail.com