Shacabka Reer Muqdisha oo cabsi ka qaba in ay xirmaan wadooyinka taga Suuqa Bakaaraha.

Halkaan ka akhri

Bulshada ku dhaqan magaalada Muqdisho ayaa waxay sheegayaan inay  cabsi ka qabaan inay xirmaan wadooyinka taga Suuqa Bakaaraha, kuwaas oo saamayn ku yeeshay dagaaladii ka dhacay degmooyinka Hodan iyo Howlwadaag, iyagoo walaac ka muujiyay in dagaaladaasi ay ku xirmaan Wadada Farjanno oo ah wadada kaliya furan  ee loo mara Suuqa  Bakaaraha.

Arrintav ayaa timid Kadib markii saacadihii la soo dhaafay ay ka dhaceen dagaalo degmooyinka Hodan iyo Howlwadaag, kaas oo u dhaxeeyay Ciidamada dowladda iyo Al Shabaab ay saamayn ku yeesheen wadada Farjanno ee Magaalada Muqdisho ayaa waxaa arinaasi ay saamayn ku yeelatay shacabka isticmaala wadadaasi oo ah tan kaliya ee loo mara Suuqa Bakaaraha.

Qaar ka mid ah dadka isticmaala wadada Farjanno oo Warbaahinta u waramay  ayaa sheegay in dhibaatooyinka ay ku qabaan Wadadaasi  kadib markii ay aagaas ka dhaceen dagaalada qaraar, kuwaas oo  ay sababeen in dadka isticmaala Farjanno ay kasoo gaarto waxyeelo isugu jira dhimasho iyo dhaawac.

Axmed waxaa uu intaasi ku daray in dagaaladasi owgood ay baqdin ka qabaan inay xiranto wadada Farjnno oo uu sheegay in markii horeba ay dhibaato ku qabeen, waxaana uu ugu baaqay dhinacyada isku horfdhiya wadadaasi inay joojiyaan rasaasta ay is weedaarsadaan taasi oo ay qasaaro kasoo gaarto dadka shacabka ah.

Si kasta ha ahaatee Dowladda iyo Xarakada Al-Shabaab ayaa u sabab ahaa xirnaashiyaha wadooyin laga gali jiray Suuqa Bakaaraha kuwaasi oo ay ka mid ahaayeen wada Warshadaha, Sayidka iyo tan isku xirta Isgoysyada dabka iyo Bakaaraha taasi oo saamayn balaaran ku yeelatay isu socodka dadkii iyo gadiidkii gali jiray Suuqa Bakaaraha.

SomaliSwiss       Muqdisho

SomaliSwiss@hotmail.com

%d bloggers like this: