Halkan ka akhri
War aan ka helnay Wakiika SomaliSwiss ayaa sheegaya in ay sii kordheen Tirada dadka Soomaalida ah ee ay hay’adaha Sirdoonka dalka Mareykanka ku xireen magaalooyin ka tirsan dalka Mareykanka, kuwaa oo lala xiriirinayo inay taageeraan Xarakada Al-Shabaab ee ka dagaalanta dalka Soomaaliya.
Haddaba dadkan Soomaalida ah oo ay xireen ciidamada FBI-da dalka Mareykanka ayaa waxaa laga soo kala qabtay gobolada Minnesota ,censes iyo California, waxaana dhamaantood ay yihiin Soomaali haysata dhalashada dalka Mareykanka, waxaana Dadka la soo xiray ay tiradooda ka badan tahay ilaa 5 qof oo dhallinyaro ah, waxaana haatanku socotaa dhamaantooda weydiimo la xiriira eedeeymaha ka dhanka ah.
Sida lagu soo warramay gelinkii dambe ee Khamiistii shalay ayaa ciidamada FBI-da waxa ay gobolka Censes ku xireen nin Soomaali ah oo muddo ku dhow 20 sano dalkaasi ku noolaa, ganacsadahaas ayay Sirdoonku u yeereen isagoo lagu wargeliyey in Su’aallo la weydiinayo, balse markii uu tagay xarunta looga yeeray ayaa la xiray, waxaana lagu eedeeyey in dhaqaale ku taageeray kooxda Al-Shabaab.
Dhanka kale laamaha Sirdoonka dalka Mareykanka ayaa bilaabay inay Su’aallo la xiriira dadka ay hayaan weydiiyaan maamulada Shirkadaha Xawaaladaha ee dalkaas ka shaqeeya, waxaana ka mid ahaa Kulane Darmaan oo ah Wakiilka shirkadda xawaalada Qaran Express , markaas ka dibna uu wareysi siiyey wakaalada wararka ee AP wuxuu u sheegay in uusan waxba ka aqoon ragga wax laga weydiiyey qaarkood oo ay ciidamada sirdoonku tuhmeen inay u fududeeyeen diridda lacagahaasi “Magaranayo qofkan weligiisna ilama uusan shaqeyn” Ayuu yiri Kulane Darmaan .
Sidoo kale dadka u xeran ciidamada FBIda Mareykanka ayaa waxaa ka mid ah nin lagu magacaabo Baasleey Saciid Macalin oo isagu la qabtay isagoo ka dhoofaya garoon diyaaradeed oo ku yaala magaalada San Diego, Maxamed Maxamuud iyo Ciise Dhoore oo lagu xiray California, waxaana dhamaan dadkaasi lagu eedeeyay in ay xiriir dhow la leeyihiin kooxda Shabaab.
SomaliSwiss New York
Filed under: USA |
Somali News Politics Documentaries Music Videos Intertainment 
You must be logged in to post a comment.