Halkaan ka akhri
Kooxda Al-Shabaab oo Cajal maqal ah ku faafisay bogga internet-ka ee YouTube, waxaa ay ku caddeeysay in wiil Soomaali ah, balse heystay dhalashada wadanka Kanada uu ku geeryooday dagaal Muqdisho kudhex maray kooxda Al-Shabaab iyo ciidammada dowladda KMG Soomaaliya .
Kooxda Al-Shabaab ayaa magaca wiilka waxaa ay ku soo koobtay Muxamed Al-Muhaajiri, balse wargeyska Globe and Mail ee ka soo baxa dalka Kanada ayaa qoray in wiilkan ku dhintayMuqdisho lagu magacaabo Maxamed Cilmi Ibraahiim, uuna arday ka ahaa jaamacadda Toronto ee dalka Kanada.
wargeyska Globe and Mail ayaa waxaa uu intaa ku daray Sanad ka hor in uu Maxamed Cilmi Ibraahim ka tagay dalka Kanada, markaasoo uu Maxamed sheegay in uu Xajka aadayo, balse uusan dib ugu laaban Kanada.
Farriinta kooxda Al-Shabaab ay ku baahisay Internet-ka ayaa waxaa ay ku sheegeen in looga baahan yahay dhalinyarada kale ee ku dhaqan Kanada in ay ku daysadaan Maxamed Cilmi oo ku Shahiiday dagaalada ay ka wadaan Soomaaliya, ayna ku soo biiraan Mujaahidiinta dagaalka ay kula jiraan gaalada, sida ay hadalka u dhigeen.
Idaacadda “Radio Canada” ayaa ku warrantay in ugu yaraan 5 dhalinyaro ah ay isku xaafad ahaayeen Maxamed Cilmi Ibraahim, iyagana la rumeysan yahay in ay Soomaaliya u safreen ayna ka barbar dagaalamaan kooxda Al-Shabaab ee ay dowladda Kanada ku dartay Liiska Argagixisanimo.
SomaliSwiss Muqdisho
Filed under: SomaliSwiss |
Somali News Politics Documentaries Music Videos Intertainment 
You must be logged in to post a comment.