Halkaan ka akhri
Taariikhda Shaqo iyo Waxbarasho ee Qore Sare Dr. Axmed Dhicisow Daa’uud
Waxaan halkan idinku soo gudbinayaa Taariikh Nololeed kooban oo ku saabsan Qoraaga sare ee Dr. Axmed Dhicisow Daa’uud iyo wax qabadkiisa, si ay ula Socdaan Bulshada Soomaaliyeed gaar ahaan Akhristayaa Shabakada SomaliSwiss iyo Dhegeystayaasha Radio Somaliswiss.
– Qoruhu Magaciisa oo saddexan waa Axmed Dhicisow Daa’uud, wuxuu Ku dhashay Degmada Baardheere Gobolka Gedo 01/01/1948.
– Waxbarashada Dugsiga Quraanka iyo Dugsiga Hoose, wuxuu ku soo qaatay Degmada Baardheere.
– Waxbarashada Dugsiga Dhexe, waxaa uu ku soo qaatay Hoyga Isha Baydhaba (Coleggio Baidoa) ee magaalada Baydhabo Gobolka Bay.
– Waxbarashada Dugsiga Sare iyo Jaamacadda waxa uu ku soo qaatay magaalada Muqdisho, wuxuuna ka qalan jibiyey Jaamacadda Umadda Laanteeda Siyaasadda iyo Saxaafadda, asagoo qaatay Shahaadada B. A. ee Culuumta Siyaasadda ( POLITICAL SCEINCES and GIORNALISMO).
– Wuxuu kaloo Dr. Axmed Dhicisow uu Waxbarasho isugu jirta Aqoon Kororsi iyo Takhasuus Suxufinnimo ah  ku soo qaatay Wadamada Talyaaniga, Ciraaq iyo Liibiya.
– Dr. Axmed Dhicisow waxaa uu kasoo shaqeeyey Muddo 19 Wasaaradda Warfaafinta, Waaxda Qoraalka gaar ahaan Wargeyskii Xiddigta Oktoobar  oo ka ahaa Qore Sare (Chief Editer), isla Wasaaraddaasi wuxuu ka noqday Agaasimaha Waaxda Shaqada iyo Shaqaalaha iyo Guddoomiyaha Guddiga Shaaqaalaha ee Wasaaradda Warfaafinta.
– Dr. Dhicisow wuxuu ka mid ahaa Howlwadeenadda Xiriirka guud ee Ururrada Shaqaalaha ee Soomaaliya, Madaxna ka noqday Ururka Shaqaalaha Warfaafinta iyo Isgaarsiinta ee Xiriirka Guud ee Ururrada Shaqaalaha Soomaaliyeed.
– Waxaa kaloo uu ka mid noqday Howlwadeennada Xisbiga Hantiwadaaga Kacaanka Soomaaliyeed, qaybta hoggaanka Abaabulka.
– Dr. Axmed Dhicisow dagaalkii 1977 ee Ethiopia iyo Somalia, waxaa loo magacaabay Guddoomiyaha Maamulka Degmooyinka Doolow Gedo, Doolow Bay iyo Doolow Addo ee Gumeysiga loogu qabsaday dowladda Ethiopia.  Â
– Dr. Axmed Dhicisow, Sanadku markuu ahaa 12/11/1981 waxaa uu ka fadhiistay shaqooyinkii uu Qaranka u hayey Sababo iyo duruufo waqtigaas jiray Awgeed, waxuuna shaqo Sacuudiga, waxaa uu shaqo ka helay Shirkad Weyn Talyaani ah oo waqtigaas qandaraas ku qabtay dib u habeynta Isgaarsiinta dalka Boqortooyada Sacuudiga sida TV-ga iyo isku xirkaTeleefonada.
– Dr. A. Dhicisow Billawgii dagaaladii Sokeeye 15. Oktoobar 1989-kii, wuxuuna ka mid ahaa dadkii ugu horreeyey ee ka baxay Soomaaliya, waxa uu u kacitimay dalka Talyaaniga, halkaas oo uu ka noqday Bare Jaamacadda Università Orientale di Napoli.
– Dr. A. Dhicisow Sideed Sano kadib, waxaa uu u soo wareegay Dalka Switzerland, wuxuuna Muddo 16 Sano ah gacanta ku hayaa Radio SomaliSwiss oo af Soomaali ku hadla iyo Shabakad SomaliSwiss Website oo Qore Sare iyo Howlwadeen ka ahaa.
– Ugu danbeyn Dr. Axmed Dhicisow Daa’uud, inta uu joogay dalkan Switzerland, wuxuu Juhdi weyn geliyey siduu Soomaalida ku kala fogaaday Dagaalka Sokeeye isugu soo dhaweyn lahaa, maadaama ay ku kala fikrad duwanaayeen Midnimada Ummad ahaaneyd ee Soomaalida, hase yeeshee wuxuu ku guuleystay inuu isku xiro Soomaali badan oo ku nool Gobollada Dalkan Swisska, wuxuuna Dr. Dhicisow ka tirsan yahay Ururka Samafalka ee Rajo Peace, Integration & Development for Somalia, kana mid yahay Guddiga Fulinta, wuxuuna yahay Guddoomiye ku xigeenka Jaaliyada Soomaalida eeGobolka Zürich.
Sidaas iyo Barasho Wacan
Waxaa idin soo diyaariyay Qoraalkan Tifaaftiraha iyo Webmasterka SomaliSwiss Yusuf Garabey.
//
Filed under: SomaliSwiss |
Somali News Politics Documentaries Music Videos Intertainment 
You must be logged in to post a comment.