May 2008
M	T	W	T	F	S	S
	1	2	3	4
5	6	7	8	9	10	11
12	13	14	15	16	17	18
19	20	21	22	23	24	25
26	27	28	29	30	31

Xildhibaanno oo ka tirsan Barlamaanka Soomaaliyeed ee hoostaga Xukunka Meles oo maanta Xirig xadgudub ah ku sameeyeen Ciidamo Ethiopiaan ah.

Posted on May 25, 2008 by SomaliSwiss

Xagudub Xildhibaan

Halkaan ka akhri

Warar is khilaafsan ayaa naga soo gaaraya magaalada Muqdisho oo sheegaya in saakay lagu xadgudbay, laguna bahdilay 3-xildhibaan oo ka tirsan Baarlamaanka KMG ah, waxaa Xildhibaannadan lagu xiray xeradii hore ee Ciidamada Asluubta ee ku yaalla duleedka magaalada Muqdisho, balse imminka ay degan yihiin Ciidamada gumeysiga Ethiopia.

xildhibaanadaas ayaa la sheegay inay ku sii jeedeen magaalada Baydhabo, waxaana ay sheegeen in xilli ay ka sii baxayeen Muqdisho oo ay marayeen wadada isku xerto Muqdisho iyo degmada Afgooye ay qabteen ciidamada Iethiopia ah.

Xildhibaan Ismaaciil Jaamac oo ka mid ahaa Xildhibaanadii la xiray saakay ayaa Warbaahinta u sheegay in markii la qabay ay tusiyeen Ciidamada Ethiopia aqoosigooda xildhibaanimo, balse aqoonsigaas laga diiday, looguna jawaabay in qof waliba uu sameysan karo, sidaas darteedna aan la aqoonsan karin

Xildhibaan Ismaaciil Xasan Jaamac, wuxuu intaa ku daray ee uu sheegay inay la socdeen xildhibaano ay ka mid yihiin Cali Cismaan Jiidow iyo Cabdi Xaaji Ereg ay saaka ciidamada Ethiopia ee degan Xaruntii Asluubta ku qabteen iyagoo wata gaari kuna sii jeeday magaalada Baydbabo.

Ugu dambeyntii Xildhibaanadan ayaa u suurta gashay in xoriyadooda loo soo celiyo laguna wargeliyo in lagu qaldamay oo sidaasi darteedna ay ka raali ahaadaan, hase yeeshee Xildhibaan Ismaaciil, ayaa wuxuu tilmaamay in ay nasiib darro tahay in in dalkeennu ay nagu xukumaan Ciidamo Ethiopia ah, iyagoo xildhibaanno ah la qabto isla markaana la xiro.

Si kasta ha ahaatee waxay xildhibaanadan dib ugu soo laabteen magaalada Muqdisho kadib markii ay isla garteen in ay hakiyaan safarkii ay ugu socdeen dhanka magaalada Baydhabo sababo Ammaankooda dartiisa.

SomaliSwiss Muqdisho

SomaliSwiss@hotmail.com