Ciidamada gumeysiga Ethiopia oo Masjidka Al-Hidaaya gudihiisa ku Dilay Sh. Cabdalla Max’uud Ciise iyo Kuwa kale.

Posted on April 21, 2008 by SomaliSwiss

Xasuuq

Halkaan ka akhri

Innaa lillaah Wa Innaa Ilaahi Raajicuun

Dal dadkii, Culamadiisa, Aqoonyahannadiisa la laynayo oo la daldalayo, maatadana Gaajada iyo Rafaad ay ku nool yihiin, islamaarkaasna dadkii waxgaradka u ahaana Indhaha ka dabooshay ayaa waxaa Bulshada caalamka la yaaban tahay, dadnima xumada Soomaalida iyo qiira la’aanta.

Dagaalkii shalay ka dhacay magaalada Muqdisho ayaa waxaa si naxriis darro ah loo dilay 20 qof oo ay ku jiraan Cumaa’udiin oo ka mid ahaa Sheekh Cabdalla Max’uud Ciise oo ka mid ah Culimada Soomaaliyeed ee Caanka ah.

Ciidamada gumeysiga Ethiopia ayaa waxay Caadeysteen inay Masaajidaha gudaha u galaan, kadibna ay si arxan la’aan ah u jirdilaan ilaa uu ka dhinto qofka, sidaas awgeed waxaa shalay ka dhacay gudaha Masjidka Al-Hidaaya ma ahan wax loo adkeysan karo.
Dad xog ogaal ah oo arrintan markii ay dhacaysay ka ag dhawaa Masjida Al-Hidaaya ayaa waxay sheegeen in Sheikh Cabdalla Max’uud Ciise intii aan la dilay ay jir dileen Askar ka mid ah Ciidamada gumeysiga Ethiopia ka dibna ay madaxa ka toogteen.

Sheekh Cabdalla Max’uud Ciise ayaa isagu ka mid ahaa Culumada Soomaaliyeed ee Caanka ah isla markaana Dacwada Islaamka darteed ay u soo tarxiishay Dowlada Imaaraadka.

Warku wuxuu intaa raaciyey  in Sheekh Maxamed Xuseen oo ku magac dheer “Sh.Odawaa” oo isaguna ka mid ah culimada waaweyn ee Tabliiqa ayaa la sheegayaa in uu nool yahay balse uu ku jiro gacanta Ciidamada gumeysiga Ethiopia oo aan la ogeen meeshii ay gaysteen iyo sida ay ula dhaqmeen toona.

Balse waxaa la soo sheegay in xiriir lala sameeyay Ra’iisulwasaare Nuur Cadde oo lagu doonayo inuu la xiriiro sidii uu u ogalaysiin lahaa Ciidamada gumeysiga Ethiopia in ay la soo bixiyo maydadka ku jira Masjidka ayaa waxa uu sheegay in uusan waxba ka qaban Karin taas oo loo fasirtay in uu ka gaabsaday.

Si kasta ha ahaatee Xasuuqa isir goynta ah ee ay Ciidamada gumeysiga Ethiopia ku hayaan shacabiga Soomaaliyeed ayaa maraya heerkiisii ugu sareeyay waxaana uu hadda u muuqdaa mid uu guumeysiga ku dabar goyanaya culimada Soomaaliyeed ee shacabka Baraya Diinta Islaamka.

 SomaliSwiss  Muqdisho

 

 

Filed under: SomaliSwiss |

« »

  • Wareysiyada SNTV

  • HEESO CUSUB 2016

  • HEESO CUSUB 2014

  • HEESO CUSUB 2013

  • Somali National TV

  • Most Watched

  • Top Somali Videos

  • MAXAA CUSUB

  • Somali Music

  • Laanta Afsomaliga









%d bloggers like this: