Maxamed dheere:- Geediyoow ha isku iloobin kursigeygii xildhibaanimo ee Baarlamaanka.

geedi

Geedi & Max´ed Dheere

Halkaan ka akhri

 

geedi

Prof. Cali Maxamed Geedi ayaa Xilkii Ra’iisul Wasaarenimo iska casilay kadib is jiid jiid iyo qalaanqul dheer oo dhexmaray isaga Madaxweynaha DFKM Col. C/llaahi Yuusuf, taasoo ay ku sheegeen labada mas’uul khilaaf dastuuri ah, is casilaada Geedi oo timid kadib markii uu laba safar isxiga uu ku tagey dalka Ethobia , ayaa  iscasilaadiisa Ra’iisul wasaarenimo Geedi  waxaa kasoo qayb galey Madaxweynaha, Gudoomiyaha Baarlamaanka, ku xigeenadiisa iyo Xildhibaano gaaraya 200. 

Prof. Geedi oo wajigiisa laga dheehan karay daal iyo mashquul siyaasadeed oo uu mudooyinkaan dhex maquuranaayey ayaa khudbad dhinacyo kala duwan taabanaysa ka jeediyey, hadii aan soo koobno khudbadiisa ayaa waxaa uu yiri: 

 “waxaa farxad iyo sharaf ii ah inaan hortiina soo istaago, iyadoo kalsooni iyo niyadsami ay ku dheehan tahay, waxaana jeclahay inaan hortiina ka cadeeyo in Baarlamaanka aan u hayo kalsooni weyn, waxaan ka cudur daaranayaa inaynaan deg deg go’aan uga gaarin doodihii iyo khilaafaadkii mudooyinkan jirey, inkastoo ay saldhig u tahay nidaamka kala dambeynta iyo dowlad wanaaga , inkastoo ay dowladu la kulan tay caqabado joogto ah oo aad u badan, waxaana aaminsanahay inaan ka guulaysanay dhamaanteen wixii la soo marey, in fasiraadaha Axdiga lagu doodaa ma ahan qalad iyo aaraa’a kala duwaanshuhuba” 

Ayuu ku yiri khudbadiisa isagoo sii wata ayaa intaa ku darey Soomaalidu iyo Afrikaanka kale hadii ay kala aragtiduwanaasho siyaasadeed ay soo kala dhex gasho oo ay isku dagaalaan uma badna, inay xalka raadiyaan, hase ahaatee waxaa haboon in Ummada Soomaaliyeed lootanaasulo, waxay Soomaalidu ay mudooyinkan la xasiliwaayeen waxaa ka  mid ah in qalbiyadooda aysan ku jirin wax tanaasulaad la yiraahdo, manta waxaan rabaa dhaqan cusub inaan u bilaabo Baarlamaanka, inaan u tanaasulo danta dalka iyo dadka Soomaaliyeed, tilaabtani waxay ka mid tahay dibu-heshiisiinta geedi socdka nabada, inkastoo dadka qaar aysan garaneynin, DFKMG waxaa u yaala waajibaad aad u adag iyo dadaal dheeri ah, mudada dowlada u hartey waxaa horyaala in dowlad goboleedyadii la hirgeliyo iyo dastuurkii dalka, in la tirakoobo dadka Soomaaliyeed, in la fuliyo Aftida shacabka Soomaaliyeed iyo in la gaarsiiyo dalka Soomaaliyeed doorashooyin xor ah, hawshaasi waa hawl aad u culus oo la doonayo in laga wada shaqeeyo, hawshaasina waxay daliil u tahay in Soomaalida oo dhan aysan guulaysan Karin, hadii aan beesha caalamka gacan laga helin, waxaadna la socotaan in dalka Soomaaliya uusan wali degenayn amnigiisu uusan wali qurxooneyn”.  

Prof. Cali Maxamed Geedi wuxuu kaloo xusan qaabkii uu u soo maray inuu xilka iska wareejiyo, isagoo arimahaasi xusaya waxaa uu yiri “Xaalada Soomaaliya markaan arkey waxaan tagey meelo kala duwan , anigoo la tashanaaya dadka saaxiibadeyda ah, waxaana igu kalifay markaan arkey in caalamku uu naga jeesan rabo, mudane gudoomiye iyo madanayaal waxaad ogtihiin inaan mas’uuliyada qaadney,u dhaaranay  waajibaadna uu na saran yahay, DFKMG dowladihii ka horeeyey marka loo fiiriyo dowladihii ka horeeyey waa mida kasbtey kalsoonida caalamka, waxaana loo hurey naf iyo maal hadafkaas isag ah,  waxaan doonayaa inaan gacan ka geysto dalka horumarkiisa, waxaana u soo shaqeeyey dalka iyo dadka anagoo geed dheer iyo geed gaaban u korne ka miro dhalinta hadafka aanu leenahay, saacado ka hor ayuu iga aqbaley madaxweynaha istiqlaalada waa uuna iga aqbalay aad ayuu u mahadsan yahay, waxaan rajeynayaa in madaxweynaha iyo Baarlamaankuba ay u hawlgalaan Ra’iisul Wasaarihii igu xigi lahaa oo aan xilka ku wareejin lahaa, mana ahan hawl fudud, laakiin hadii gacmaha lays qabsado waxaan qabaa anigu in deg deg loo helikaro, waxaana codsanayaa in lay cafiyo dhamaantiin  wada shaqeyntii na dhexmartey awgeed, waxaan balan qaadayaa inaan nafteyda u horo dalka iyo dadka Soomaaliyeed anigoo muwaadin Soomaali ah, waxaan gebogebadii idiin sheegayaa inaan idiinla joogo, idiinla shaqeynaayo anigoo Xildhibaan ah dowrna ka ciyaaraya meel kasta dalka iyo dadka ay iiga baahdaan si aan ugu hawlgalo halgankeyga siyaasadeed. 

Halkaan ka dhageyso khudbadihii C/llaahi Yusuf & Cali Geedi

SomaliSwiss@hotmail.com

%d bloggers like this: