Isbahaysi cusub oo ay ku mideysan yihiin Golihii MMI, Baarlamaanka Xorta iyo Jabhadaha ONLF iyo OLF, oo looga dhawaaqay Asmara Eritrea.

Heesta Maanta :Difaaca Dalkiina Isbaheysi

Kalkaan ka akhri

 

Asmara Jimco (SomaliSwiss) 09. Jun 2007

Isbahaysi Kooxo ku kacsan Dowladda Federalka Somalia iyo tan Dowladda Ethiopia, oo taageero ka helaya Dowladda Eriteria, ayaa lagu asaasay Caasimadda dalka Eriteria ee Asmara.

Ilo-wareedyo ay Idaacadda Codka Maraykanka soo xooraansatay, ayaa lagu ogaaday inay Kooxo ku kacsan Dowladda Federalka Somalia iyo tan Dowladda Ethiopia ay Isbahaysi ay ku mideysan yihiin kaga dhawaaqeen dabayaaqadii bishii hore ee May Shirweyne ay ku yeesheen Caasimadda dalka Eriteria ee Asmara.

Warbixinadda laga helayo ilo-wareedyo ku dhow xubnaha ugu muhiimsan Kooxaha ku dhawaaaqay Isbahaysiga, waxay Shirweynahaasi ugu magac-dareen “Kulankii Midowga iyo Heshiiska”, iyadoo uu Madaxweynaha dalka Eriteria, Issias Efewerki uu si wadajir isugu keenay ugu yaraan Afar Koxoood oo kala ah Golaha Maxkamadaha Islaamka Somalia, Xubnihii hore ee Barlaamaanka Somalia ee la magac baxay Barlamaanka xorta ah iyo Jabhadaha Xoreynta Ogaden National Liberation Front “ONLF” iyo tan Oromadda ee Oroma Liberation Front “OLF”.

Wararku, waxay sheegayaan inay Kulaankaasi ka soo qeyb gaaleen Hoggaamiyaha Guddigii Fulinta ee GMIS, Sheekh Shariif Sheekh Axmed iyo Taliyaha Ciiddamadda ee Jabhadda Xoreynta Ogaadeeniya “ONLF” Admiral Maxamed Cumar Cismaan iyo Ra’isul-wasaare-ku-xigeenka Koowaad ee DFKMGS ee gadoodsan, Engineer Xuseen Maxamed Caydiid.

Warar lagu kalsoon yahay ayaa waxay tilmaamayaan in Sheekh Shariif Sheekh Axmed loo magacaabay Madaxa Garabka Siyaasadda ee Isbahaysiga Cusub, halka Admiral Maxamed Cumar Cismaan loo magacaabay Madaxa Garabka Milliteri ee Isbahaysiga mucaadka ku ah Dowladaha Federalka Somalia iyo tan Ethiopia.

Dhinaca kale, Isbahaysiga u midoobay la-dagaalanka Dowladaha Somalia iyo Ethiopia, ayaa waxa uu asaaskiisa ku soo beegmay iyadoo ay Kumanaan Ciiddamo Somali iyo Ethiopian ah ay hawlgallo xooggan ka wadaan gudaha Magaalladda Muqdishu, isla markaana ay ku soo qabteen shixnaddo hub ah oo aad u fara badan, oo qaarkood lagu qariyey dhulka hoostiisa.

Xeeldheerayaasha, ayaa rumeysan in dhismaha Isbahaysigaasi uu carqalladeyn xooggan ku noqon karo dadaalka loogu jiro Deganaanshaha iyo Dib-u-hehsiisiinta dalka Somalia , isla markaana uu dagaalku u xuub-siiban karo Dagaal Saddex Geesood ah oo saamayn ku yeelan doona qeybo ka mid ah dalalka Somalia, Ethiopia iyo Eriteria.

Xigasho:- VOA and Agencies

SomaliSwiss@hotmail.com

%d bloggers like this: