05 | March | 2007 | Somali News Politics Documentaries Music Videos Intertainment

March 2007
M	T	W	T	F	S	S
	1	2	3	4
5	6	7	8	9	10	11
12	13	14	15	16	17	18
19	20	21	22	23	24	25
26	27	28	29	30	31

Wiil uu C/llaahi Yusuf adeer uyahay oo Aflagaada ugeystay Diinta Islaama & Midowgii Maxaakiimta Islaamiga ahaa

Posted on March 5, 2007 by SomaliSwiss

Swiss-Bern (SomaliSwiss) 05, March 2007

Hoos kadaawo Video ga

Nin magaciisa la yiraahdo Koshin Mohamed oo ah sida uu sheegay Ambassator dowlada KMG ah u fadhiya dalka maraykanka ahna wiil uu adeer uyahay C/llaahi Yusuf ayaa dad xun oo aan aduunka waxba ka hayn ku tilmaamay muslimiinta aduunka gaar ahaan somalida oo uu markaasi barnaamijkiisu ku saabsanaay.

Wuxuu soo bandhigay muuqaalo uu gaalada ku tusayay taariikhda tixanaha ah ee Somalia ay soo martay xiligii gumaysiga asaga oo ku amaanay gaalada dhagaysanaysay si ay ula dagaalamayaan muslimiinta aduunka iyo waliba mida Somalia .

Ninkan oo ah wiil uu C/llaahi Yusuf Adeer uyahay ayaa waxa uu si xun u caayay Madaxdii Maxkamadaha si gaar ahna u tilmaayay.

1 Sheikh Xasan Daahir Aweys

2 Sheikh Shariif Sheikh Axmed

& Madaxdii katirsaneyd Maxkamadaha oo dhan isagoona kutilmaayay in ay ahaayeen Argagixisada Aduunka kuna takri faleen Diinta Islaamka Umadda Somaliyeedna uga dhaadhiciyeen si qaldan ayuu yiri wiilka adeerka uyahay C/llaahi Yusuf.

Sidoo kale wuxuu si aad ah ugu gafay Hablaha Somaliyeed ee asturan kuna tilmaamay Jalbaabka wax ay caada iyo dhaqan uleeyhiin Carabta iyo afghanistaanka oo uu kasoo fasirtay Qoraagii Nuuradiin Faarax .

Ninkan ayaa isagoo iska gadaya Gaalada Mareykanka wuxuu kutilmaayay Dadka degan Muqdisho iyo agagaarkeeda iney yihiin dad jaahiliin ah oo uu tilmaamay Puntland iyo
Somaliland in ay ahaayeen 1992 illaa iyo hada dhul ay doolad kajirtay ee ayna dagan yihiin dad aqoonleh.

Halka Muqdisho iyo agagaarkeeda uu kutilmaamay meel ay kuhoydaan Muslimiinta Mintidka ah uuana weliba ufasiray Calanka Islaamka ee ay kuqoran tahay

“ LAA ILAAHA ILLAA ALLAAH MUXAMADAN RASUULULLAAH “ kuna tilmaamay calankaas Islaamka wax xun ee umadda lagu marin habaabiyo ayna tahay wax lagu qoslo waa siduu hadalkiisa udhigaye.

Ninkan ayaa sidoo kale uxayeesiiyay Adeerkiis waa C/llaahi Yuusufe kusheegay in uu yahay nin ay soo dooratay Umadda Somaliyeed ahna nin aqoon leh uuna yahay ninka kaliya ee yaqaana Islaamiyiinta weliba “ AL ITIXAAD “ ayuu yiri nabadna ukeena kara Umadda Somaliyeed .

Ninkan ayaa soo bandhigay Sawiro badan ee uu Internetka kasoo aruuriyay oo ahaa sawiradii Madaxdii Maxaakiimta & Askartii Mujaahidiinta Midoga Maxaakiimta Somaliyeed.

Kuna tilmaamay Askartii Maxkamadaha kuwa Tababar kasoo qaatay AlQa’ida sheegayna iney ahaayeen dad badankood katagay Yurub iyo Mareykan iyo Wadamada Carabta ayuu yiri.

Yaanan Hadalka idinku Badinee ila daawada Video fiidiyoowgaan Riix Halkaan Daawo Video Klick Hier

SomaliSwiss Omar Mahamud

Email Riix Halkaan

Filed under: SomaliSwiss, Taariikhda, Wadaniyada, Wararka | Comments Off on Wiil uu C/llaahi Yusuf adeer uyahay oo Aflagaada ugeystay Diinta Islaama & Midowgii Maxaakiimta Islaamiga ahaa

Mu´adinka Masjidka Xareed oo ay toogteen Ciidamada Dowlada

Posted on March 5, 2007 by SomaliSwiss

Muqdisho (SomaliSwiss) 05, March 2007

Mu’adinkii Masjidka Xareed ayaa galabta Ciidamada Dowlad kusheega waxa ay ku dileen guri ku dhagan Masjidka Xareed, iyadoo dhacdadaasina Afar qof oo kale ay ku dhaawacmeen halkaasi.

Waxaa socda Olole lagu dabar goynayo Dadkii horey uga tirsanaan jiray Ciidamadii Dowlladii Maxamed Siyaad Barre Allaha u naxariistee iyo Culimaa´udiinka Somaliyeed ee la isleeyahay waxbey fahmayaan.

Sidoo kale isla maanta ayeey aheyd Ciidamada Ethiopia iyo kuwa Dowlada oo meela kala duduwan dil uga geystay Xaafadaha Magaalada Muqdisho.

Iyadoo Saxaafadaha qaarna afka loo qabtay oo eysan kahadli karin xaqiiqda jirta ee dhabta ah amaba xasuuqa lagu hayo Umadd weynta kudhaqan Magaalada Muqdisho.

SomaliSwiss Omar

Email Riix Halkaan

Filed under: SomaliSwiss | Comments Off on Mu´adinka Masjidka Xareed oo ay toogteen Ciidamada Dowlada

C/llaahi Yusuf, Caasimadda waxaan ubadaleynaa Marka ama Baydhaba

Posted on March 5, 2007 by SomaliSwiss

Swiss-Bern (SomaliSwiss) 05, March 2007

Warsaxaafadeed uu magaalada London kasoo saray afhayeenka xisbiga Ramass Political Party ee midowga Yurub Cabdi Naasir Guure Faarax (Jeer) ayaa daaha wuxuu ka qaaday sir waayn oo uu madaxweyne C/llaahi Yuusuf damacsan yahay tasoo uu uga sheekeyay marku London ku sugnaa rag ay qaraabo yihiin iyo rag ay saxiibo dhow yihiiin.

Qorshahaan raga uu ku qarsaday Madaxweynuhu oo afhayeenka lasoo gaarsiiyay, ayaa ah in madaxweyne C/llaahi Yusuf uu sheegay in uu rabo in shirka dibuheshiisiinta inuu qabto uu ku doonayo in uu sanado dheeriya ku darsado, taas oo uu sheegay marka hore barlamaanka ka dhamayn doono, in dad an barlamaanka ka mid ahayn ay wasiiro noqon karaan.

Markii tasu u hirgashana uu keensan doono laba wasiiro cusub, labada wasiir oo u aduunka u tusi doono inay Maxaakiimtii Islaamka ka tirsanaayeen oo uu awood qaybsiga wax ka siiyay, kadibna uu xukunka ku dheeraysan doono saas.

Labada wasiir ee cusub uu keensan doono ayuu kubadali doona wasiirka lagu magacaabo Dhinbil iyo wasiir ku xigeenka gashaan dhiga Salaad Cali Jeelle.

Wuxuu taas afhayeenku raaciyay, in madaxweyne Yuusuf yiri marabo in Muqdisho ay xasisho maxaa yeelay waxaan rabnaa inay marna wax nagu soo ridaan marna aan wax ku ridno marka ugu danbaysana in taan magaalada oo dhan dhulka lasino.

Markaas baan baarlamaanka intaan mooshin hor geyno baanu oran Muqdisho Caasimad uma qalantee Magaaladee Caasumad ka dhiganaa, kadibna aan ku cadaadiyo baarlaamaanka inay doortan Marka-Cadey ama Baydhabo.

Wuxuu kaloo madaxweyne Yuusuf ragaan uga cawday madaxa Puntland Cade Muuse, isagoo yiri Cade waxaan ku iri wakhtiga waan dheereeysanayaaye adna dheereeyso kama maarme balse Cade waa nin madax adagoo waa iga diiday oo wuxuu yiri marka xiligeyga lagaaro doorashaan qaban, wuxuu C/llaahi Yusuf isagoo aad uga xun arrinta Cade Muuse ka diiday yiri, “Warbal toloow ninka la hadla idinkaa isku fiicane”.

Maadaama mudane Cade ku gacan seyray codsiga C/llaahi, waxaa loo badinayaa Markabkii la afduubtay iyo Jeelkii Garoowe oo la weeraray inuu ka danbeeyay C/llaahi Yuusuf, maxaa yeelay ninka xukumay oo maxkamada Milatarri saaray raga Jeelka lagalabaxay waxaa adeer u ah madaxweyne C/llaahi,

Waxay dadku xaqiijin ninka danbiilayaasha xukumay ee C/llaahi adeer ka u yahay inaysan xukumidu daacad ka ahayn ee ayka aheyd maamulka Cade fowdo ha noqdo, iyadoo arintaan cadeynteedu tahay ninka maxkamada wax ku xukumay iyo maleeshiyada jeelka weerartay waxaay labo maalmood ka hor kuwada qayilaayeen kantaroolka Garoowe guri ku yaal.

Afhayeen Cabdi Naasir Jeer inkastoo uu san carabaabin raga madaxeynahu qorshahaan uu wato uga sheekeyay, hadana wuxuu sheegay in arimahaan kasii xaqiiq saday mar uu xiriir lasameeyay, afhayeenka Madaxeynaha Soomaaliya horana u ahaa Tifaaftiraha Idamaale.com Xuseen Maxamed Maxamuud (Xuubsireed).oo hada kusugan Muqdisho.

SomaliSwiss Omar Mah.