Halkaan ka akhri
Xog hoose oo ay SomaliSwiss ka heshay Villa Somaaliya ayaa sheegaysa in ciidamada dowladda iyo kuwa AMISOM ay dhowaan qaadi doonaan duulaan ballaaran oo ku wajahan gobollada Shabeellada Hoose iyo Jubooyinka.
Madaxda Ciidamada Amisom iyo Kuwa Soomaalida ayaa la sheegay inay isla garteen oo isku waafaqeen shaxdii iyio qaabkii arintaasi looga miro dhalin lahaa, iyadoo sidoo kale kaartadaas cidian loo bandhigay maxdaxda dowladda oo sidoo kale loo sheegay in ciidamada Kenya oo hadda ku sugan xaduudka labada dal ay ka qeyb qaadan doonaan, dagaalka haddii loo baahdo.
Xogtaan ayaa tilmaamaysa in sidoo kale guluftaas ay ka qeyb gelayaan maleeshiyo beeleedyo Soomaaliya oo ku sugan xaduudka labada dal soomaaliya iyo Kenya.
Dhinaca kale Saraakiisha Ciidamada qalabka sida ayaa loogu baaqay in ay heegan dagaal galaan, waxayna xariiro la sameeyeen Saraakiisha kale ee ku sugan Gobolada Gedo, Bakool iyo Hiiraan si dhanac kasta looga furo wajiyo dagaal, haddii loo baahdo.
In kastoo aan la ogayn xilliga dhabta ah ee Ciidamda Soomaalida iyo AMISOM duulaankan cusub ay qaaaddayaan, hadana waxaa jirta saan saan muuqata oo muujinaysa in AMISOM iyo cidianka dowladdu ayisku diyaar gareynayaan dagaal culus.
Dhawaan ayey aheyd markii uu wargeyska DAILYY MONITOR ee ka soo baxa dalka ugandha uu oo soo daabacay in AMISOM oo taageero ka heysa ciidamada dalka Mareynkan ee ku sugan xeebaha soomaaliya ay saanad meleteri geeyeen deegaanka ku dhow xaduuda kenya iyo Soomaaliya,iyadoo halkaasi ay ku sugan yihiin ciidamo beeleedyo sheegta in ay taageesan yihiin dowladda Soomaaliya balse looga shakisan yahay in waxyaale kale u qarsan yihiin.
SomaliSwiss Muqdisho
SomaliSwiss@hotmail.com
Related articles
- Afhayeenka ciidamada AMISOM Col. Paddy Ankunda oo sheegay in dagaalladii Muqdisho ka dhacay ay ciidamadooda ka soo gaartay dhimasho iyo dhaawac. (somaliswisstv.com)
- Shir ay yeesheen Golaha Wasiirada dowladda KMG Soomaaliya oo War-Saxaafadeed laga soo saaray (somaliswisstv.com)
- Dhegayso Khudbadihii Shirka wadatashiga ay ka jeediyeen Sh.shariif, Faroole, Caalin iyo C/weli Gaas (somaliswisstv.com)
- Ra’isal wasaare C/weli oo shaaca ka qaaday in shirka wadatashiga Soomaalida looga hadlayo 5-qodob. (somaliswisstv.com)
- Ra’iisul wasaare C/weli oo shaaca ka qaaday in shirka wadatashiga Soomaalida 5-qodob looga hadlaayo. (somaliswisstv.com)
- Madaxweyne Sheikh Shariif oo sheegay in Midnimada ummadda ay tahay waajib. (somaliswisstv.com)
Filed under: Muqdisho
